Búgin Astanada erekshe qajettiligi bar adamdardyń qatysýymen «Sport bez granıs» jobasynyń sheńberinde «Blind Race Astana –Paris»  ózgeshe velomarafony bastaldy.

Velomarafonnyń ózgesheligi – kózi nashar kóretin jáne zaǵıp jandardan quralǵan komandanyń 5000 shaqyrymnan astam araqashyqtyqty júrip ótýi bolyp tabylady. Joba qatysýshylary 2018 jylǵy qyrkúıektiń ortasynda velojarystyń otany - Parıj qalasynda márege jetýdi josparlap otyr.

Velomarafonǵa barlyǵy 15 velosıpedshi qatysady.                          Olar: Bahtıar Bazarbekov, Kenjegúl Seıtjan, Mýsrát Elibakıev, Danıar Bazarbek, Murat Aıtjanov, Kanat Ermek-uly, Ilás Fatkýlın.

Halyqaralyq velojarystyń saltanatty bastalýynda                             QR Qoǵamdyq damý isteri vıse-mınıstri Beri Aryn sóz sóıledi.                      Ol múmkindigi shekteýli jandardy áleýmettendirýdiń, turǵyndar arasynda salaýatty ómir saltyn nasıhattaý men velosıped sportyn damytýdyń mańyzdylyǵyn atap ótti.

Vıse-mınıstrdiń aıtýynsha, bul joba mańyzdy mısıa – múgedektigi bar tulǵalarǵa teń jáne básekege qabiletti jaǵdaý jasaýdy nasıhattaıdy.

Vıse-mınıstr «Astana-Parıj» velomarafony tek qana memleketti emes, sonymen birge múmkindigi shekteýli jandardy biriktiretin ózgeshe bastama bolyp tabylatyndyǵyn da aıtty.

Velomarafonnyń uıymdastyrýshysy, «Sport bez granıs» jobasynyń jetekshisi Bahtıar Bazarbekovtyń aıtýynsha, marafonnyń maqsaty salaýatty jáne pozıtıvti ómir saltyn nasıhattaý, velosıpedti ekologıalyq taza kólik retinde tanytý, sonymen qosa ekotýrızmdi damytý, erekshe qajettilikke muqtaj jandar arasynda sportty damytý úshin jaǵdaı jasaý, jastardy patrıottyq tárbıeleý bolyp tabylady.

Velomarafon 6 memlekette – Qazaqstan, Reseı, Belorýs, Polsha, Germanıa, Fransıada jáne 30 qalada ótip, jer sharynyń eki bóligin biriktiredi.Jobanyń mısıasyn ilgeriletý, dostyq qarym-qatynasty damytý jáne tájirıbe almasý maqsatynda 11 iri qalada qaýymdastyq ókilderimen, erekshe qajettilikke muqtaj jandarmen, sportshylarmen, BAQ ókilderimen kezdesýler ótkiziledi.

Bul úshinshi aýqymdy joba bolyp tabylady, alǵashqy ekeýi Almaty – Astana, Almaty – Ystyqkól baǵyttary boıynsha ótken bolatyn.

Esterińizge sala keteıik, Qoǵamdyq damý mınıstrligi «Sport bez granıs» jobasynyń seriktesi bolyp tabylady. «ASAR-II» ÚEU-bıznes-memlekettiń yntymaqtastyǵy forýmy aıasynda «Sport bez granıs» jobasy odan ári áleýetti demeýshilerdi tartý jáne kásipkerler, mesenattar jáne qol ushyn sozýǵa daıyn azamattar tarapynan qoldaý kórsetý maqsatynda  tanystyrylǵan bolatyn.