Túrkistan oblysy ákiminiń ókimimen oblystyq İshki saıasat basqarmasy basshysy laýazymyna Beısenbaı Dáýletuly Tájibaev taǵaıyndaldy Qamshy.kz aqparat agenttigi Túrkistan oblysy ákimdiginiń saıtyna silteme jasap. 

Beısenbaı Dáýletuly 1982 jyly týylǵan, bilimi joǵary, mamandyǵy boıynsha biliktiligi jýrnalıs, quqyqtaný. Eńbek jolyn 2002 jyly Shymkent qalasynda «Shymkent kelbeti», «Panorama Shymkenta» gazetteriniń tilshisi retinde bastaǵan.

2005-2017 jyldary Qazaqstan Respýblıkasy «Qazaqstan Respýblıkalyq teleradıokorporasıasy» AQ Ońtústik Qazaqstan oblystyq fılıalynyń redaktory, Ońtústik Qazaqstan oblysy ákimi apparaty baspasóz qyzmetiniń basshysy, Ońtústik Qazaqstan oblystyq «Ońtústik Qazaqstan» qoǵamdyq-saıası gazetiniń redaksıasy» MKK-niń dırektor – bas redaktory, «Aıqyn-Lıter» JSHS «Aıqyn» gazetiniń Astana qalasyndaǵy tilshiler qosynynyń jetekshisi, «Elordalyq «Astana» jýrnaly» JSHS Bas redaktor, Ońtústik Qazaqstan oblysy ákimi apparaty baspasóz qyzmetiniń basshysy-baspasóz hatshysy laýazymdaryn atqarǵan.

Búgingi kúnge deıin Túrkistan oblysy ákimi apparaty baspasóz qyzmetiniń basshysy-baspasóz hatshysy laýazymynda qyzmet etip keldi.