Zańger Abzal Quspan Facebook paraqshasynda Saıragúl Saýytbaı týraly tyń derekter jarıalady, dep jazady Qamshy.kz aqparat agenttigi. 

«Saıragúl týraly ne bilemiz? Ol – ana, botaqandary úshin 
Qazybek Isa aǵam aıtpaqshy, «Uly Qytaı qorǵanyn buzyp, mıllıardtardyń buǵaýyn úzip» jetken Ana! Al, odan basqa ne bilesińder? Men aıtaıyn Sizderge. Saıragúldiń negizgi mamandyǵy – dáriger! Qytaı tilin óte jetik bilgendikten mektepke, keıin balabaqshaǵa basshylyq etken.

Odan basqa, ol Qytaıda qazaq tilinde shyǵarylǵan úsh birdeı kitaptyń avtory! Eńbekterdiń ataýy «Qazaqtyń yrym-tıymdary», «Balaǵa jaraısyń deı bilińiz», sonymen qatar, óz mamandyǵyna sáıkes, halyqtyq em-domdarmen baılanystyra otyryp medısınalyq baǵytta jáne bir eńbegi jaryq kórgen! Olardyń bári Qytaı tiline de aýdarylǵan eken» dep jazdy Abzal Quspan.

Aıta keteıik, Abzal Quspan «Shekaradan zańsyz ótti» dep aıyptalǵan etnıkalyq qazaq Saıragúl Saýytbaıdyń isine aqysyz zańgerlik kómek kórsetip, istiń basy qasynda bolǵan.

Saıragúl Saýytbaıǵa Qazaqstan Qylmystyq kodeksiniń 392 - baby shekarany zańsyz buzyp ótý boıynsha aıyp taǵylǵan. Sotqa halyqaralyq basylymdardan da jýrnalıser qatysqan.

Sot Saıragúl Saýytbaıdy QR QK 392 babynyń 1 bóligi boıynsha kináli dep taýyp, 6 aı bas bostandyǵynan aıyryp, 63 babynyń negizinde ony bas bostandyǵyn shekteýge aýystyryp, sot zalynan bosatý týraly úkim shyǵarǵan.