Qazaqstan Respýblıkasy Bilim jáne ǵylym mınıstrligi Ǵylym komıteti Ahmet Baıtursynuly atyndaǵy Til bilimi ınstıtýty men Halyqaralyq «Qazaq tili» qoǵamynyń uıymdastyrýymen 2018 jyldyń 03 tamyzynda Almaty qalasynda «Til máselesi – rýhanı jańǵyrýdyń negizi» atty lıngvısıkalyq semınar ótti.
Atalmysh semınarǵa QHR Ortalyq ulttar ýnıversıteti Az sandy ulttar fılologıasy Qazaq tili men ádebıeti fakúltetiniń profesorlary Jań Dıńjıń men Meı Doń Sıa jáne doktorant Ýı Dı, sondaı-aq, Irandaǵy Allame Tabatabı ýnıversıtetine qarasty Túrkologıa bóliminiń basshysy Behrýz Bekbabaıy men Massachýsets shtaty Kembrıdj qalasy Garvard ýnıversıtetiniń doktoranty Aleks Ýarbýrton qatysty.
Qazaq tilinde baıandama jasaǵan sheteldik ǵalymdar qazaq tilin ǵylymı turǵydan zerttegisi keletinderin aıta kele, latyn álipbıine kóshý – ońtaıly sheshim bolǵandyǵyn atap ótti. Sonymen birge, túrkolog Behrýz Bekbabaıy ózi basqaryp otyrǵan Túrkologıa bóliminde qazaq tilin úıretýdi maqsat etip otyrǵanyn jetkizdi.
Semınarda Qazaqstannyń memlekettik tilinde til bilimi salasyndaǵy ózekti máselelerdi qamtyp, latyn álipbıine qatysty qundy baıandama jasaǵandary úshin sheteldik ǵalymdarǵa Ahmet Baıtursynuly atyndaǵy Til bilimi ınstıtýty men Halyqaralyq «Qazaq tili» qoǵamynyń atynan arnaıy sertıfıkat pen alǵys hat tabystaldy.
Qýanysh Jumabek
