Memleket basshysynyń Jarlyǵymen Nurlan Baıuzaquly Ermekbaev Qazaqstan Respýblıkasynyń Qorǵanys mınıstri bolyp taǵaıyndaldy dep jazady Qamshy.kz aqparat agenttigi. Bul týraly Aqorda baspasóz qyzmeti aqparat taratty.
Memleket basshysynyń Jarlyǵymen Nurlan Baıuzaquly Ermekbaev Qazaqstan Respýblıkasynyń Qorǵanys mınıstri bolyp taǵaıyndaldy
— Aqorda Baspasóz qyzmeti (@AkordaPress) August 7, 2018
"Memleket basshysynyń Jarlyǵymen Nurlan Baıuzaquly Ermekbaev Qazaqstan Respýblıkasynyń Qorǵanys mınıstri bolyp taǵaıyndaldy", - delingen prezıdent jarlyǵynda.
Nurlan Baıuzaquly Ermekbaev- 1963 jyly 1 qańtarda Shymkent qalasynda týǵan. Qazaq.
KSRO Qorǵanys mınıstrliginiń Qyzyl Týly Áskerı ınstıtýtynyń shyǵystilderi fakúltetin (Máskeý, 1986) «Qytaı jáne aǵylshyn tilderi» mamandyǵy boıynsha úzdik; Qazaq memlekettik sáýlet-qurylys akademıasynyń ekonomıka fakúltetin (1996) ınjener-ekonomıst mamandyǵy boıynsha bitirgen.
Saıası ǵylymdarynyń kandıdaty. Kandıdattyq dısertasıasynyń taqyryby: «Qazaqstannyń syrtqy saıası strategıasy mánmátindegi Azıadaǵy qaýipsizdik salasyndaǵy kóptarapty ózara árekettesý: saıası aspektileri».
«Qazaqstan jáne álem elderi» kitabynyń (2006), ondaǵan maqalanyń teń avtory.
Qazaq, orys, qytaı, aǵylshyn jáne portýgal tilderin biledi.
1981-1991 jyldary - KSRO Qaruly kúshterinde naǵyz áskerı qyzmette. 1984-1985 jyldary - Angola Halyq Respýblıkasyna qyzmettik issaparda.
1991 jyldan - «Qazaqstan-kommersıa» ASQ bas mamany. 1992 jyldan - «KRAMDS» korporasıasynyń júıesinde qyzmet atqarǵan.
1993 jyldan - QHR-daǵy QR Elshiligi janyndaǵy saýda ókildiginiń aǵa sarapshysy. 1995 jyldan - «Avstrıadaǵy qalasyn saýda úıi» Memlekettik syrtqy saýda kompanıasynyń Almatydaǵy ókildiginiń dırektory. 1996 jyldan- «Almaty Saýda-Qarjy Banki» JAQ basqarma tóraǵasynyń keńesshisi. 1997 jyldan - «Iýnıtek Ltd.» saýda-ınvestısıalyq kompanıasynyń bas dırektory.
1999 jyldan - Beıjin qalasyndaǵy «Qazaqstan Halyq banki» AAQ ókildiginiń basshysy.
2001 jyldan - Qytaıdaǵy QR Elshiliginiń keńes 2003 jyldan - Sıngapýr Respýblıkasyndaǵy QR senimdi ókili (Dıpmıssıa basshysy).
2004 jyldan - QR Prezıdenti Ákimshiliginiń Syrtqy saıasat ortalyǵynyń meńgerýshisi
2006 jyldan - QR Prezıdentiniń keńesshisi - QR Prezıdenti Ákimshiliginiń Syrtqy saıasat ortalyǵynyń meńgerýshisi
2007 jyldan - QR syrtqy ister mınıstriniń orynbasary 2010 jyldyń qyrkúıek aıynan beri - QR Prezıdentiniń kómekshisi.
Marapattary- «Qurmet» ordenimen, «KSRO Qaruly Kúshterindegi qyzmeti úshin» medalimen, birqatar mereıtoı medaldarymen marapattalǵan. II synypty Tótenshe jáne Ókiletti Ókil (2007).
Eske sala ketsek, 2016 jyly Qorǵanys mınıstri bolyp Jasuzaqov Sáken Ádilhanuly bolyp taǵaıyndalǵan.
