Taraz qalasynda jańa oqý jylynda 320 oryndyq IT-lıseıi ashylady.
Jambyldyq oqýshylarǵa 1 qyrkúıekten bastap jańa IT-lıseıinde aqparattyq tehnologıalar oqytylatyn bolady.
Oblys ákimi Asqar Myrzahmetov «2018-2020 jyldarǵa arnalǵan sıfrlyq ekonomıka úshin adam kapıtalyn damytý jol kartasyna» sáıkes jambyldyq jastardyń bilim sapasyn jaqsartýǵa asa qatty kóńil bólip otyr.
«Aǵymdaǵy jyly, Taraz qalasynda Qazaqstan Respýblıkasy Bilim jáne ǵylym mınıstrligi 7-11 synypta bilim alatyn oqýshylar úshin oblystyq mamandandyrylǵan IT-lıseı-ınternatyn ashýdy josparlap otyr. Ol jerde oqýshylar jaratylystaný baǵytyndaǵy matematıkalyq pánderdi, robototehnıkany, aqparattyq tehnologıalar men dızaın jáne baǵdarlamalaýdy tereńdetip oqıtyn bolady. Bilim alýshylar men muǵalimderdi irikteý konkýrstyq negizde júrgiziledi. Mektep 320 oqýshynyń bilimin aqparattyq tehnologıalar salasynda tereńdetýge baǵyttalǵan», – dedi Jambyl oblysynyń bilim basqarmasynyń basshysy Rahıa Turmahanbetova.
Oblystyq bilim basqarmasynda habarlanǵandaı, aqparattyq tehnologıalardy oqytý oblystyń kóptegen qalalarynda, aýdandarynda da belsendi túrde júrgizilýde. Robototehnıka synyptary bar mektepterdiń 30% -yn qamtamasyz etý úshin jergilikti búdjetten 353,4 mln. teńge kóleminde qarajat bólingen.
Óńirde orta jáne joǵary synyp oqýshylarynyń robototehnıka daǵdylaryn damytyp, tereń bilim alýy úshin kóptegen múmkindikter jasalǵan.
«Nur Otan» partıasy, STEM akademıasy jáne bilim berý bólimi birlesip robototehnıkanyń 120 synybyn ashýda. Ol úshin oblystyq búdjetten 404 mln. teńge bólinip otyr. Jańa synyptarda oqýshylar veb-baǵdarlamalaý týraly negizgi bilimdi ǵana emes, sonymen qatar veb-dızaın men 3D-modeldeýdiń syryn jetik túsinýge qabiletti bolady. Oblystyń barlyq aýdan ortalyqtarynda, sondaı-aq Taraz qalasynda mektep baǵdarlamasynan tys IT-synyptary bar», – dep atap ótti R. Turmahanbetova. Sondaı-aq, Jambyl oblysynyń basshylyǵy tarapynan mektepterde robototehnıka úıirmeleriniń ashylýyna kóp kóńil bólingen. Onda qatysýshylar ózderiniń ǵylymı-tehnıkalyq, shyǵarmashylyq qabiletterin, ınjenerlik oılaý qabiletterin, 3D-modeldeý daǵdylaryn damytady. Oblystyń alty oqý ortalyǵynda robototehnıka boıynsha úıirmeler jumys jasap tur.Baızaq, Jýaly jáne Jambyl aýdandarynda jas jetkenshekterdiń oı-órisin nyǵaıtý maqsatynda arnaıy joba iske asyryldy. Óz kezeginde mundaı úıirmeler mektep jasyndaǵy jetkenshekterdiń baǵdarlamalaýdy úırenýge qyzyǵýshylyqtaryn arttyrady.
