Almaty oblysy Qarasaı aýdanyndaǵy kámelet jasqa tolmaǵan jasóspirim zorlap ketken 6 jasar qyzǵa qatysty Qarasaı aýdandyq Bilim bólimi basqarmasy túsinikteme berdi, dep habarlaıdy Qamshy.kz aqparat agenttigi.

Advokat Aıman Omarova aýdandyq Bilim bólimi basqarmasynyń mamandary, mektep dırektory jáne zorlyq jasaǵan balanyń týystary jábir kórgen búldirshinniń ata-anasyna qaıta-qaıta kelip, jasóspirimge keshirim berýin talap etkeni jaıynda aıtqan bolatyn. Qarasaı aýdandyq Bilim bólimi basshysynyń mindetin atqarýshy mamany Áset Tólenulynyń aıtýynsha, olar zorlyq kórsetken balaǵa keshirim talap etpegen.

«Qyzdyń úıine barǵanymyz ras. Biraq biz qyzdyń ata-anasynan baryp keshirim suraǵan joqpyz, ondaı bolǵan joq. Birinshi ret barǵan kezimizde úıinde ákesi bolmady, sodan keshke qaraı ekinshi ret bardyq. Alaıda biz onda tek qyzdyń jaǵdaıyn bilý úshin ǵana barǵan edik. Basqa eshteńe suraǵan joqpyz», - deıdi Áset Tólenuly.

Esterińizge sala keteıik, biz saıtymyzda ótken aptada 15-16 jas shamasyndaǵy kámelet jasqa tolmaǵan bala 6 jasar qyzǵa zorlyq kórsetkeni jaıynda jazǵan bolatynbyz.