13 tamyzda «Qazınvestbank» AQ salymshylaryna agent bank «Bank SentrKredıt» AQ arqyly ótemdi tóleýdi aıaqtaıdy.
Qazaqstannyń depozıtterge kepildik berý qory (QDKBQ) «Qazınvestbank» AQ salymshylaryna agent bank «Bank SentrKredıt» AQ fılıaldyq jelisi boıynsha kepildik berilgen ótemdi tóleýdi aıaqtaıdy. Salymshylar 13 tamyzǵa deıin agent bankke tóleý týraly ótinish bere alady. Kórsetilgen ýaqyttan keıin «Qazınvestbank» AQ salymshylary QDKBQ tikeleı jolyǵý qajet.
«Bank SentrKredıt» AQ «Qazınvestbank» AQ aktıvteri men mindettemelerin ıelenýshi bank «Álfa-Bank» EB AQ bir mezgilde bergennen keıin klıentterdiń shottarynda oń qaldyqtar qalyptasqan somany tóleý úshin agent bank bolyp taǵaıyndalyp, jarty jyl ishinde, 13 aqpannan bastap fılıaldar jelileri arqyly jeke tulǵalardyń ótinishteri qabyldap ári óńdedi, agenttik kelisim negizinde QDKBQ-nyń qarajaty esebi men atynan kepildik berilgen ótemdi tóledi.
Tólem bastalǵan kezden «Qazınvestbank» AQ-nyń 70 salymshysyna kepildik berilgen ótemdi tóleý boıynsha QDKBQ mindettemeleriniń jalpy somasy 2,07 mıllıon teńgeni qurady. Olardyń ishinde 8 salymshyǵa kepildik berilgen ótemniń jalpy somasy 1,81 mıllıon teńge nemese tóleýge jatatyn jalpy somanyń 87,6%-y óteldi. Talap etilmegen somanyń kólemi 256 myń teńge.
13 tamyzdan keıin kepildik berilgen ótemdi jeke nemese poshta arqyly tóleý boıynsha ótinish bere alady. Salymshy jeke ózi kelgende belgilengen nysanda ótemaqy tóleýge ótinish berip, jeke basyn kýálandyratyn qujattyń túpnusqasyn berý qajet. Salymshynyń ókili kelgen jaǵdaıda – notarıaldy kýálandyrylǵan senimhattyń túpnusqasy berý qajet. Poshta arqyly ótinish jasaǵan kezde ótinish berýshi eń az qujattar paketin jiberýi tıis: belgilengen nysanda ótemaqy tóleý týraly notarıaldy kýálandyrylǵan ótinish, jeke basyn kýálandyratyn qujattyń notarıaldy kýálandyrylǵan kóshirmesi.
Kepildik berilgen ótemdi tóleý týraly ótinish blankisi QDKBQ www.kdif.kz ınternet-resýrsynda qoljetimdi. QDKBQ mamandarynan aqyl-keńesti 8 8000 80 10 20 (qońyraý shalý tegin); +7 (727) 312 24 40, +7 (727) 312 24 41 (Almaty q.) telefon nómirleri arqyly alýǵa bolady. QDKBQ mamandary sondaı-aq Telegram messendjerinde aqyl-keńes bere alady: 27 maýsymnan «KDIF | Suraqtar men jaýaptar» chaty qoldanysta. Jeke jáne poshtalyq júginý myna meken-jaı boıynsha qabyldanady: Qazaqstan Respýblıkasy, Almaty q., 050051, Dostyq dańǵ. 136 («Pıoner-3» BO), 8 qabat.
«Qazınvestbank» AQ aktıvteri men mindettemelerin ıelenýshi bank «Álfa-Bank» EB AQ bergen kúnnen bastap shottarynda oń qaldyǵy qalyptasqan jeke tulǵalar men jeke kásipkerler ótemdi alýǵa quqyǵy bar. Tólemniń eń joǵary somasy:
- ulttyq valútadaǵy depozıtter boıynsha – 10 mıllıon teńgege deıin,
- shetel valútasyndaǵy depozıtter boıynsha – 5 mıllıon teńgege deıin.
2016 jyly 26 jeltoqsanda «Qazınvestbank» AQ banktik jáne ózge operasıalardy júrgizýge arnalǵan lısenzıasynan aıryldy. «Qazınvestbank» AQ Ýaqytsha ákimshiligimen jáne «Álfa- Bank» EB AQ arasyndaǵy 2017 jyldyń 19 mamyrdaǵy shartyna sáıkes portfel mindettemeleri, sonyń ishinde jeke jáne zańdy tulǵalardyń depozıtteri, «BJZQ» AQ aktıvteri «Álfa-bank» EB AQ berildi. 2018 jyldyń 24 qańtarynda «Qazınvestbank» AQ qyzmetin májbúrlep toqtatý (taratý) týraly Almaty qalasy mamandandyrylǵan aýdanaralyq ekonomıkalyq sotynyń sheshimi zańdy kúshine endi. Zańnamaǵa sáıkes kórsetilgen kúnnen bastap 14 jumys kúni ishinde – 2018 jyldyń 13 aqpanynda – QDKBQ «Qazınvestbank» AQ aktıvteri men mindettemeleri «Álfa-bank» EB AQ ótken kúnnen bastap qalyptasqan aqsha qaldyqtaryn «Qazınvestbank» AQ jeke tulǵalar men jeke kásipkerleri aldyndaǵy mindettemeleri boıynsha tólemin bastaıdy. Konkýrstyń qorytyndysy boıynsha «QDKBQ» AQ Dırektorlar keńesiniń 2018 jylǵy 7 aqpandaǵy sheshimimen «Bank SentrKredıt» AQ tóleý boıynsha agent bank bolyp taǵaıyndaldy.
«Qazaqstannyń depozıtterge kepildik berý qory» AQ (QDKBQ) – Qazaqstan Respýblıkasy Ulttyq Bankiniń 1999 jyly ekinshi deńgeıdegi bankterdiń salymshylarynyń quqyqtaryn jáne zańdy múddelerin qorǵaý úshin qurylǵan uıymy.
Bank májbúrlep taratylǵan jaǵdaıda QDKBQ depozıtterge mindetti kepildik berý júıesine qatysýshy bankterdegi jeke tulǵalardyń barlyq bank shottaryndaǵy aqsha qarajattaryna (sonyń ishinde – barlyq salymdar túrine, tólem kartalary men aǵymdaǵy shottardaǵy aqshaǵa) kepildik beredi. Qazirgi ýaqytta depozıtterge kepildik berý júıesine 30 bank kiredi.
Kepildik jeke tulǵa men jeke kásipkerdiń barlyq salymdaryna taralady. Kepildiktiń eń joǵary somasy bir salymshyǵa bir bank úshin ulttyq valútadaǵy depozıtter boıynsha 10 mıllıon teńgeni qurasa, shetel valútasyndaǵy depozıtter boıynsha – 5 mıllıon teńgeni quraıdy (bankti májbúrlep taratý týraly sot sheshimi zańdy kúshine engen kúngi balamada).
«Qazaqstan Respýblıkasynyń keıbir zańnamalyq aktilerine valútalyq retteý jáne valútalyq baqylaý, qarjy uıymdarynyń qyzmetin táýekelge baǵdarlanǵan qadaǵalaý, qarjylyq qyzmetterdi tutynýshylardyń quqyqtaryn qorǵaý jáne Qazaqstan Respýblıkasy Ulttyq Bankiniń qyzmetin jetildirý máseleleri boıynsha ózgerister men tolyqtyrýlar engizý týraly» 2018 jyly 16 shildede kúshine engen Qazaqstan Respýblıkasynyń Zańyna sáıkes, ulttyq valútadaǵy jınaq salymdar boıynsha kepildik 15 mıllıon teńgeni quraıdy.
