Aqtóbe oblystyq İİD ókilderi eki er adamnyń polısıaǵa qarsylyq kórsetkeni túsirilgen vıdeoǵa qatysty pikir bildirdi, - dep habarlaıdy Qamshy.kz aqparat agenttigi Tengrinews.kz saıtyna silteme jasap. 

Áleýmettik jelilerde paıda bolǵan vıdeoda eki er adamnyń polıseılerge áldene túsindirgisi keletinin kórýge bolady. Kenet er adamdardyń biri ashýlanyp, qyzmetkerge soqqy jasaı bastaıdy.  Oqıǵa Aqtóbede bolǵan. Oblystyq İİD ókilderi vıdeonyń 2018 jyldyń shildesinde túsirilgenin habarlap otyr. Polısıa málimetinshe, jasaq eki er adamnyń qujattaryn teksermek bolǵan. 

"Aǵaıyndy baýyrlar esirtki qoldanady, narkodıspanserde esepte tur. Olar polısıa qyzmetkerlerine qarsylyq kórsetti. Olardyń biri ýaqytsha ustaý ızolátoryna qamaldy, ekinshisi eshqaıda ketpeý týraly qolhatpen jiberildi. Polısıa jasaǵy olardyń qujatyn teksergisi kelgen, olar esirtkige mas bolǵan", - dep habarlady vedomstvo ókilderi.