Qurmetti musylman qaýymy!

Qadirli otandastar!

Elimizdiń musylmandaryn jáne barsha qazaqstandyqtardy ıslam dininiń aıtýly merekesi bolyp sanalatyn Qurban aıt meıramymen shyn júrekten quttyqtaýǵa qýanyshtymyn.

Qurban aıt – izgilik pen meıirimdiliktiń, jaqsylyq pen qaıyrymdylyqtyń meıramy.

Búgingi mereke mádenıetimizben, ulttyq salt-dástúrimizben etene qaınasqan tól dinimizdiń kemel bir nyshany bolyp tabylady.

Osy merekede musylman qaýymy kómekke muqtaj jandarǵa qol ushyn berip, qoǵamdaǵy gýmanısik qundylyqtardy barynsha nyǵaıtýǵa belsendi atsalysady.

Dástúrli dinimizdiń osyndaı jasampaz áleýeti rýhanı-adamgershilik qundylyqtardy jan-jaqty damytýǵa, qoǵamdaǵy ultaralyq tatýlyq pen konfesıaaralyq kelisimdi nyǵaıtýǵa qyzmet etedi.

Barshalaryńyzǵa zor densaýlyq, qut-bereke jáne amandyq tileımin!

Qurban aıt merekesi qutty bolsyn.