Instagramnan «Syrymdy aman alyp qalý» (www.instagram.com/sos_spasti_syryma) paraqshasynan 3 jasar Syrym Jadanulynyń jaǵdaıyn kórip kózime jas keldi. Paraqshadaǵy burynǵy foto men vıdeolarda Syrym júgirip oınap júr, kózinde de, aıaǵynda da eshqandaı aqaý joq edi. Sońǵylarynda balanyń kózi qylılanyp, júrýi nasharlaǵan. Keshe ǵana kishkentaı inisimen myna álemge tamsana qarap júrgen oıyn balasy búgin tórt qabyrǵaǵa telmirip otyrýǵa májbúr. Sebebi deni saý balaǵa kúnine birneshe márte shalynyp qulaý qalypty jaǵdaı bolsa, Syrym Jadanuly úshin ol ómirimen qosh aıtysýmen para-par. Qarapaıym ǵana dop onyń bas súıegine zaqym keltirip, ómirlik mańyzy bar aǵzalarynyń jumys isteýin toqtatýyna ákelip soǵýy múmkin. Ásirese kópshil bala úshin bul qıynǵa soǵatyny anyq.
Syrymnyń qazirgi jaǵdaıyn bilý úshin anasyna habarlasqan edik. Ásıa hanym tańnyń atysynan kúnniń batysyna deıin Syrymǵa bas kóz bolyp árbir qımylyn baqylap, qamqor bolyp otyrǵandyqtan ákesi kelgenshe suhbat bere almaǵan edi. Anasy baýyr eti balasynyń qamyn oılap, barynsha yńǵaıly jaǵdaı jasap otyr.
Syrym sábı kezinde ózin basyn qabyrǵaǵa ádeıi urǵan jaǵdaılar bolǵan. Anasy birden Syrymdy nevropotologqa kórsetti.
- Dáriger eshqandaı qaýip joq, kóp bala solaı jasaıdy, Syrymnyń damýynda eshqandaı aqaý joq ekenin aıtyp, tynyshtandyratyn dárilerdi jazyp berip shyǵaryp saldy. Dáriger bolǵannan keıin sendik qoı. Qazir qarap otyrsaq, sol kezde-aq eptep aýrýdyń alǵashqy belgileri biline bastaǵan eken ǵoı, deıdi Ásıa hanym.
Syrym nebári úshte bolsa da ómirge úlkenderdiń kózimen qaraıtyn sekildi. Kóp eresek adamda kezdespeıtin sabyrlylyq, ustamdylyq bar. Basyndaǵy dert qylaý berse de bárine shydap, úndemegen. Ata-anasy sondyqtan kópke deıin Syrymnyń derti bar ekenin bilmegen.
Aýrýdyń aıqyn belgileri jaqynda biline bastaǵan. İsik mıǵa áser etip, kórý, júrý qabiletine jaýap beretin bóligine áser etken. Sonyń saldarynan búldirshinniń kórý qabileti nasharlap, kózi qylılanyp, ózdiginen júrýden qaldy.
- İsik balanyń ómirine qaýip tóndirip tur. Ýaqyt az. Qudaıǵa shúkir, 2 aıdyń ishinde isiktiń kólemi óspegen sıaqty. Biraq balanyń jaǵdaıy nasharlap barady. Júrýi qıyndady. Aıaǵyn basa almaıdy. Dáretke barǵanda qınalady.
Basynda isigi barlar túnde qorqynyshty tústerdi jıi kóredi eken. Syrym túnde «Ha-ha» dep, túsiniksiz dybystar shyǵaratyn boldy. Biz onyń bul áreketine tańǵaldyq. Bul aýrýdyń belgileri edi.
Buryn «Masha ı Medved» múltfılmin kóretin. Poıyz, mashına týraly múltfılmderdi kóp qaraıdy. Iýtýbtan kezdeısoq zombı, adamdardyń qańqasy bar múltfılmderi kórip qalyp, qazir tek sondaı múltfılmderi kóretin boldy. Jarty jyldaı boldy ony sol ádetinen arylta almaı júrmiz. Múmkin óziniń qazirgi jaǵdaıymen saı kele me eken? İshki jaǵdaıyn sózben jetkize almaı, osylaı múltfılm arqyly jetkizip jatyr ma? Bilmeımin, deıdi anasy.
Syrym kópshil bala. Anasy Syrymnyń «Meıramhanaǵa baraıyq» degen usynysty jıi tastaıtyny aıtady. Ondaǵysy adamdardy syrttan baqylap, kópshiliktiń ortasynda júrý eken. Mundaı ómirdi, adamdardy súıetin balaǵa azannan keshke deıin dertine baılanysty úıde otyrý ońaıǵa soqpaıtyny anyq. Syrymnyń ómirdi súıetinin onyń aınalasyndaǵylarǵa meıirlene, mahabbatpen qarym-qatynas jasaıtynynan-aq ańǵarýǵa bolady. Jan-janýar dese ishken asyn jerge qoıady. Óziniń tasbaqasy da bar. Oǵan únemi qamqorlyq tanytyp júredi. Buryn ıti bolǵan eken. Syrym ásirese ulýdy jaqsy kóredi. Bolashaqta dáriger bolýdy, ushatyn kólikte júrýdi armandaıtyn balaǵa bul tán minez dersiń.
2018 jyldyń maýsym aıynda dárigerler 3 jastaǵy Syrymnyń basynda bas súıek mıynyń dıffýzdyq glıomasy bar ekenin anyqtady. Sodan beri Syrymnyń ata-anasy kúndiz kúlkiden, túnde uıqydan qaldy. Barlyq arman, maqsaty – balasyn aman alyp qalý. Al ol úshin qomaqty qarjy kerek.
Rekvızıty: ? Kaspıı gold: 5169 4931 8616 4938
IIN: 861218301232 -» BISSENBIN ZHADAN
Bısenbın Jadan Amırhanovıch (Otes)
? Kaspıı depozıt: IIN: 861218301232 -» BISSENBIN ZHADAN
Bısenbın Jadan Amırhanovıch (Otes)
? Halyk bank: 4390 8782 0416 6580
IIN 861218301232 -» BISSENBIN ZHADAN
Bısenbın Jadan Amırhanovıch (Otes)
? KAZKOM: 4003 0327 5608 8094 (eslı onlaın tranzaksıı ne prohodát, mojno býdet popolnıt cherez bankomat)
Bısenbın Jadan Amırhanovıch (Otes)
? VTB bank: 4893 3370 0046 9369 -» BISSENBIN ZHADAN
Bısenbın Jadan Amırhanovıch (Otes)
? QIWI-koshelek: +77014142222
Jasy nebári úshte bolsa da úlken jigit bolǵanda dáriger bolǵysy keletinin aıqyn sheshken balanyń ómiri úshin kúres qarajatqa kelip tirelip tur. Kezinde qolyna dári-dárimek salynǵan qobdıshasyn alyp kóshedegi qarıaǵa kelip, jymıyp qana qarıaǵa dáriger retinde kómegin usynǵan bala qazir ózi kómekke muqtaj.
- Syrym árbir isin oılanyp isteıdi. Bet albat kúle bermeıdi. Árbir isin oılanyp isteıdi. Bir jeri aýyrsa kóp jylmaıdy. Úndemeı, shydap otyra beredi. Sondyqtan bolar biz bilmeı, baıqamaı qaldyq. Dıagnozdyń jaman jeri aýyrtpaı, bildirmeıdi eken.
Syrymnyń ata-anasy sheteldik klınıkalarmen sóılesip jatyr. Japonıadaǵy aýrýhana 800 myń dollar suratyp otyr. Germanıa klınıkasynan da jaýap kútip otyr.
-Japonıadaǵy klınıka «Qaraımyz, tekseremiz. Sizderdiki jaman dıagnozǵa kelip turǵan sıaqty» dedi. Germanıa, Qytaıdyń klınıkalarymen baılanystyq. Qytaıda jaqsy tanys profesorlar aýrý qatty ótip ketkenin aıtady. Qazir sáýleli terapıa jasaǵanymen de balanyń ómirin aman alyp qalý eki talaı dep eskertti.
Qaterli isigi bar qyzyn shetelde emdetip júrgen Altaı Kópeımen sóılestim. Onyń aıtýynsha, klınıka 200 myń surasa, 400 myńmen kelý kerek ekenin aıtady. Balany jan saqtaý bólimine jatqyzýy múmkin. Onda bir táýliktiń ózi qymbat. Al bala bir kún emes, 20 nemese 30 kúnde esin jıýy múmkin ǵoı, deıdi anasy.
Al Qazaqstandyq onkologtar isik julynda bolǵandyqtan ony emdemeıdi. Neırohırýrgtar balany qarap, oǵan operasıa jasasań da, jasamasań da ómir súrmeıtinin aıtyp otyr.
Sondyqtan Syrymnyń ata-anasy balany shetelge emdetpekshi. Kórshi Reseıdegi ataqty neırohırýrg pedıatr Syrymdy dereý aýrýhanaǵa jatqyzyp, sáýleli terapıamen emdetý kerek ekenin aıtqan. Alaıda ol balany múgedek qylýy múmkin. Sondyqtan mundaı terapıa túrine ata-anasy kelispeı otyr.
Syrymnyń ata-anasy balany klınıkaǵa jatqyzýǵa jetetindeı qarajat jınalǵansha, balaǵa úıde qolynan kelgenshe emin jasap jatyr.
- Germanıadaǵy klınıka 200-300 myń eýro surap otyr. Qarajat jaǵynan qınalyp jatyrmyz. Dárigerlermen keńesip Ýkraınadan ımýnıtet kóteretin preparattarǵa arnaıy tapsyrys berdik. Qol qýsyryp otyra almaımyz ǵoı. Bir jarym aıda birtalaı aqsha ketti. Múmkin 15 myń, múmkin 20 myń dollar ketken shyǵar. Mıdy emdemesi qıyn ǵoı. Anaý-mynaý preparattardy balaǵa berýge bolmaıdy. Bir preparatqa 200 myń, 300 myń eýro ketedi. Qarjylyq jaǵdaıy ortasha januıa bolsaq ta qıyn soǵyp tur. Qınalsaqta Qudaı kómektesedi dep senemiz, deıdi Syrymnyń anasy.
Syrymnyń anasy jaqynda qyzyq jaǵdaı bolǵanyn aıtady. Ásıa hanym qolyna Quran kitap ustap turǵan edi. Syrym Qurandy kóre salysymen surap aldy. Ary qaraı bolǵan jaǵdaı tańǵaldyrmaı qoımady.
- Tórt-bes kúni buryn qyzyq jaǵdaı boldy. Syrym Qurandy ber maǵan deıdi. Bergennen keıin Qurandy ashyp «Bısmıllahı rahmanı rahım» dep bastap Yhylas súresin jatqa oqyp jatyr. Ákesi ekeýimiz qatty tańǵaldyq. Kúıeýim «Vıdeoǵa túsirshi, bul beker emes» dedi. Men vıdeoǵa túsirip aldym. Biraz ýaqyt Quran oqyp otyrdy. Balanyń Yhylas súresin biletinin bilmedik. Oǵan eshkim úıretpedi de, dep tańǵalysyn jasyrmady.
Syrymnyń ata-anasy bul jaǵdaıdy jaqsylyqqa balap otyr. Jaqsylyqtan úmit úzbeıtin jandar Syrymnyń ómiri úshin kúresýge bilek sybana kiristi.
Syrym men onyń jaqyndary úshin árbir kún úlken ról oınaıdy. Syrymdy emdetý úshin qajetti qarajat áli tolyq jınalmady. Sondyqtan Syrymnyń ata-anasy qaıyrymdy jandardan kómek surap otyr. Syrymnyń ómirin aman alyp qalýǵa bolady. Bala ósken saıyn da isik kishireıýi múmkin. Tek dereý sapaly medısınalyq kómek kórsetilýi kerek. "Jumyla kótergen júk jeńil". Adamnyń adamdyǵy kómekke muqtaj janǵa qol ushyn berýde, materıaldyq nemese duǵamen bolsa da kómektesý, qoldaý bildirýde bilinedi. Óz ushatyn kóligi bolatynyna kámil senetin táp-tátti balaqaıdyń armanyna jetýine yqpal etý Siz ben bizdiń qolymyzdan keledi.
