Qazaqstan Respýblıkasy Reseı Federasıasymen qos birdeı ortaq odaqqa (EAEO jáne KO) kirgeli beri 170 mıllıondyq naryqqa jola ashylatyn boldy dep qýanǵan edik. Qýanyshymyz kópke sozylmady. Bıyl Kedendik jáne Eýrazıalyq ekonomıkalyq odaqqa múshe elder úshin aýyr jyl boldy. Bizdiń ejelden bergi odaqtasymyz Reseı Federasıasynyń Ýkraına janjalyna aralasýy men Kyrym anneksıasynan keıin AQSH jáne Batys elderiniń Reseıge ekonomıkalyq sanksıalar salǵany belgili. RF-ǵa salynǵan sanksıalardyń salqyny odaqqa múshe elderge birdeı tıetini taǵy ras. EAEO-da ekonomıka álsirep, jahandy jalmaǵan daǵdarystyń ushqyny sezile bastady. Osyndaı kezeńde RF janynan tabylǵan birden-bir memleket QR boldy. Sebebi, QR jáne RF baýyrlas(bratskıı gosýdarstvo) ári kórshiles memleketter edi. Alaıda sońǵy ýaqytta Reseı úkimeti Qazaqstanǵa qatysty KO jáne EAEO aıasynda birqatar keleńsizdikterdi týyndatyp otyrǵany bizdi alańdatatyny ras-aq. Mysaly, RF Prezıdenti V.Pýtınnyń EAEO aıasynda ortaq valútalyq odaq qurý ıdeıasy, oryspen ortaǵymyzdy kóbeıtip, táý eter Táýelsizidigimizge nuqsan keltirmeı me degen saýaltýyndatady. Nemese Batys sanksıalarynyń saldarynan odaqtas elderdiń áleýmettik turmys-jaǵdaıy tómendeı me?
Endi mine, qyltyńy men syltyńy kóbeıip ketken RF-men odaqtas bolyp, 170 mıllıondyq naryqty armandap júrgende Pýtın Qazaqstannan Reseıge ákelinetin taýarlardy KO talaptaryna sáıkes kelmeıdi degen syltaýlardy jeleý etip shekaradan ótkizbeı qoıǵan. Sonda bul embargonyń bir túri me? Sózimiz dáleldi bolýy úshin apta ishinde Qazaqstannan Reseı aýmaǵyna jóneltilgen, alaıda orta jolda tárkilengen taýarlardy sanamalap kóreıik.
- Reseılik Rosselhoznadzor basqarmasy Qazaqstanǵa jiberilýi tıis 35 tonnaǵa jýyq qus eti tıelgen 7 vagondy shekaradan ótkizbeı qoıdy.
22 naýryz kúni Pytalova qalalyq TJPP Qazaqstanǵa baǵyt alǵan CRLU 5178629 poıyzynan 35,010 tonnaǵa jýyq Amerıkalyq qus etin tárkilegen. 7 vagonǵa tıelgen qus etine AQSH-tyń veterınarlyq qadaǵalaý basqarmasynyń №R-247 kýáligi berilgen jáne Qazaqstan Respýblıkasynyń terıtorıasyna jóneltilgen.
Buǵan sebep bolǵany, AQSH-tan Qazaqstanǵa ákele jatqan qus eti KO aktilerinde kórsetilgen veterı narlyq-sanıtarlyq talaptarǵa sáıkes kelmegen. Taýardyń óndirilgen merzimi men jóneltilgen merziminde qaıshylyqtar týyndaǵan. Sondaı-aq, keıbir taýar partıalarynda sanıtarlyq qujattar tabylmaǵan. Qazirgi tańda tárkilengen taýarlar keri qaıtarylýǵa jiberilgen.
- Sonymen qatar, Rosselhoznadzor basqarmasyndaǵylar Belorýsıadan Qazaqstanǵa ákeline jatqan 20 tonnaǵa jýyq alma tıelgen júk poıyzyn Astrahan oblysynda quqyqtaǵan. Keıin anyqtalǵandaı qujattarda moldovalyq dep belgilengen almalardyń orynana sanksıalar salynǵan polák almalary tabylǵan.
- Al Omby oblysynda Qazaqstannan Reseıge jóneltilgen 58 tonna polák almasy tárkilengen.
- Sondaı-aq, Rsselhoznadzor basqarmasy Novosibir oblysynda Qazaqstannan Reseı naryǵyna jóneltilgen 48 tonna keptirilgen jemisterdi kirgizbeı qoıǵan. Arnaıy tekserýler barysynda anyqtalǵandaı, Qazaqstandyq jemisterde fıtosanıtarlyq anyqtamalar joq bolyp shyqqan.
- Dál osyndaı sebeptermen jáne 500-ge jýyq gúl uryqtary men 8 myńǵa jýyq kóshetti Reseı aýmaǵyna ótkizbeı qoıǵan.
Nurgeldi Ábdiǵanıuly
