Tanymal aıtysker aqyn Salaýat Isaqaev 44 jasynda qaıtys boldy dep jazady Qamshy.kz aqparat agenttigi. Bul týraly aıtysker Balǵynbek Imash óziniń ınstagram paraqshasyna jarıalady.
Salaýat Isaqaev Atyraý oblysy Qulsary qalasynyń týmasy.
"Barsha aıtyssúıer qaýymǵa qaraly xabar aıtýǵa týra kelip tur. Alashtyń aqpa aqyndarynyń biri, 90-jyldary stýdent jastar arasynda ótken Respýblıkalyq aqyndar aıtysynda Bas báıgeni jeńip alǵan úsh aqynnyń biri, Atyraýdyń aqtańgeri, Qulsarynyń bel balasy - Salaýat Isaqaev atty aǵa-dos, zamandasymyzdan aıyrylyp qaldyq. Allanyń buıryǵy jetip, dám-tuzy taýsylyp, amanatyn tapsyrǵan aqıyq aqynnyń ajalyna jol boıyndaǵy kóliktiń qaǵyp ketýi sebep bolǵan eken.
Nebári 44 jyl jasaǵan Salaýattyń talaı áńgimeleri, jyr-termeleri, ázil-ospaqtary, aıtystaǵy aıtqan aıshyqty shýmaqtary esime túsip, janym kúızelip, tynysym tarylyp, júregim qan jylap otyr.
Aqyn dosymyzdyń otbasyna, jubaıyna, balalaryna, jáne ónerin baǵalaıtyn barsha qaýymǵa qabyrǵamyz qaıysyp, qaıǵysyna ortaqtasyp kóńil aıtamyn! Alla meıirimine alsyn, baqul bol, qymbatty Salaýat dos!", - dep jazady Balǵynbek Imash.
