Meksıkalyq Saýl «Kanelo» Alvarestiń (49-1-2, 34 KO) múddesin qorǵap júrgen promoýter Oskar De La Hoııa WBC, WBA jáne IBO boıynsha álem chempıony Gennadıı Golovkınniń komandasyn synǵa aldy.  Sebebi promoýterdiń aıtýynsha, boksshynyń komandasy jekpe-jek aldynda memlekettik gımndi oryndaýdan bas tartqan kórinedi. Bul týraly Boxing News and Views portaly jazdy.

Alaıda De La Hoıı budan artyq aqparat bermegen.

«Tyńda, bul aqymaqtyq. Olar óz memleketin qoldamaı ma? Golovkınniń adamdary jekpe-jek aldynda gımnniń qosylǵanyn qalamaıdy. Chempıondyq jekpe-jekter aldynda gımndi oryndaý -naǵyz kerek rásim. Gımndi oryndaý arqyly ózińniń úlken sharanyń bir bóligi ekenińdi túsinesiń.

Golovkınniń adamdary Qazaqstan, Meksıka jáne AQSH gımnderiniń oryndalǵanyn qalamaıdy. Taǵy qandaı talaptary shyǵar eken? Qudaı-aı, jekpe-jektiń bolǵanyn da qalamaıtyn shyǵar. Jaı ǵana kúres, boldy», - dep málimdegen De La Hoııa.

Eske sala keteıik, Golovkın men Alvarestiń 2018 jyldyń 5 mamyryna josparlanǵan jekpe-jegi ótpeı qalǵan edi. Sebebi meksıkalyq boksshy dopıng daýyna ushyrady.

Birneshe aı boıy eki tarap kelisimge kelip, jekpe-jek Las-Vegastaǵy T-Mobile arenasynda 15 qyrkúıek ótedi.