Baýyrjan Qaraǵyzuly Qazaqstan Respýblıkasy Mádenıet jáne sport mınıstriniń keńesshisi laýazymyna taǵaıyndaldy dep habarlaıdy Qamshy.kz aqparat agenttigi.

Baýyrjan Qaraǵyzuly 1982 jyly 17 qazanda dúnıege kelgen. Qazaqtyń talantty aqyny, kóptegen halyqaralyq, respýblıkalyq, ádebı konkýrstardyń jeńimpazy.

Qazaqstan Respýblıkasy Prezıdenti Nursultan Ábishuly Nazarbaetyń jáne IýNESKO-nyń qoldaýymen ótken Halyqaralyq «Shabyt» shyǵarmashyl jastar festıvaliniń eki márte laýreaty jáne Gran-Prı júldesiniń ıegeri.

«Álemge áıgili - Astana» atty jyr músháırasynyń Gran-Prı júldesiniń ıegeri. Seıdolla Báıterekov atyndaǵy arnaıy syılyqtyń ıegeri.

QR Táýelsizdiginiń 20 jyldyǵy qarsańynda ótken «Qazaq eli, bir aýyz sózim saǵan» atty İ respýblıkalyq Maǵjan óner festıvaliniń laýreaty.

«Tabysty qazaqstandyq - 2012» Aqmola oblystyq jastar baıqaýynda «Jas daryn» syılyǵynyń ıegeri. Aqyn-ımprovızator Imanjúsip Qutpanulynyń 150 jyl tolýyna oraı ótken ádebı baıqaýdyń jeńimpazy.

2014 jylǵy  Qazaqstan Respýblıkasy memlekettik stıpendıanyń ıegeri.

 «Jumbaqtasqa jaýǵan kúz», «Óń.Men.Tús.», «Júrek kitaby», «Topyryq demi» atty jyr-kitaptarynyń avtory.

Respýblıkalyq «Alash úni» gazetinde tilshi, Elordalyq «Astana» jýrnalynda tilshiler qosynynyń jetekshisi, jaýapty hatshy, bas redaktordyń orynbasary; Qazaqstan Respýblıkasynyń Ulttyq Akademıalyq kitaphanasynda «Kitap patshalyǵy» jýrnaly bas redaktorynyń orynbasary; Kókshetaý qalasyndaǵy «Aqparattyq kitaphana júıesi» Memlekettik mekemesinde dırektor; «Qazkontent» AQ «Ádebıet portalynyń» jetekshisi; «Mádenıet portalynyń»  bas dırektory; Qazaqstan Jazýshylar odaǵy Astana qalasy fılıalynyń dırektory, QR Mádenıet jáne sport mınıstrligi janynan qurylǵan Jas aqyn-jazýshylar keńesiniń hatshysy qyzmetterin atqarǵan.

Úılengen. Úsh bala tárbıelep otyrǵan áke.