Qazaqstandyq kásipqoı boksshy Jánibek Álimhanuly (2-0, 1 KO) kásibı bokstaǵy úshinshi jeńisine qol jetkizdi dep jazady Qamshy.kz aqparat agenttigi prosports.kz silteme jasaı otyryp.
Oklendtegi (Kalıfornıa shtaty, AQSH) boks keshinde sharshy alańǵa shyqqan Jánibek 24 jekpe-jek ótkizip, 16-yn jeńgen kolýmbıalyq Karlos Galvanmen judyryqtasty. Jekpe-jek josparlanǵan barlyq raýndtyń sońyna deıin jalǵasyp, qazaqstandyq boksshy tóreshilerdiń sheshimimen jeńiske jetti.
Esterińizde bolsa, Jánibek Álimhanuly bıyl maýsym aıynda álemge áıgili promoýter Bob Arýmmen kelisimshartqa qol qoıǵan bolatyn. Bul Jánibektiń Bob Arým basqaratyn Top Rank promoýterlik kompanıasy qataryna qosylǵannan keıingi AQSH-taǵy alǵashqy jekpe-jegi.
