Baǵaly qaǵazdar men AQSH bırjasy (SEC) boıynsha qurylǵan komısıa Tesla kompanıasynyń basshysy Ilon Maskti alaıaqtyq jasady dep aıyptap, bas dırektor qyzmetinen alyp tastaýdy talap etti. Sonyń saldarynan aksıa 12% quldyrady.

Esterińizge sala keteıik, SEC Maskti sotqa bergen. Olardyń aıtýynsha, Ilon Mask «kompanıa jekeshelendiriledi» degen jalǵan  aqparat taratqan.

Tesla kompanıasy SEC-tiń barlyq sharttaryn oryndaýǵa kelisti. Olardyń biri – Maskti Tesla-nyń dırektorlar keńesiniń tóraǵasy qyzmetinen alyp tastaý. Bul shartty oryndaýǵa 45 kún berildi. Mask 3 jyl bul qyzmetke taǵaıyndala almaıdy. Biraq Tesla-nyń bas dırektory bola alady.

Tesla kompanıasy 20 mıllıon dollar kóleminde aıyppul tóleýi qajet. Bul qarjy zardap shekken ınvestorlarǵa úlestiriledi. Tesla kompanıasy keńesine eki táýelsiz dırektordy taǵaıyndaıdy. Sonymen qatar, Masktyń jazbalary men málimdemelerin tekserip otyratyn advokat jaldaıdy.