Iran áskerıleri Ahvazda terakti uıymdastyrǵandar men olardyń Sırıadaǵy Evfrattyń shyǵys jaǵalaýyndaǵy nysandaryna zymyran tastady. Bul týraly Islam revolúsıasynyń kúzet Korpýsymen baılanysty Sepah News portaly habarlady.

Portaldyń málimetine sáıkes, soqqyny Islam revolúsıasynyń kúzet Korpýsy jasady. Terrorısterdiń kóbi mert boldy. Jaralanǵandar bar.

Qyrkúıektiń sońynda Irannyń Ahvaz qalasynda áskerı parad kezinde atys boldy. Sońǵy málimetterge sáıkes, 28 adam mert boldy, 60 adam jaralandy. IRNA agenttiginiń taratqan aqpary boıynsha, teraktini  Saýd Arabıasymen baılanysy bar “Ahvazdaǵy patrıottyq arab demokratıalyq qozǵalysy» óz moınyna aldy.  

Eki kúnnen keıin Iranda teraktige qatysy bolýy múmkin 22 adam ustaldy.

Irannyń joǵary kóshbasshysy aıatolla Alı Hameneı terakt AQSH-tyń basshylyǵymen jasalǵanyn málimdedi. Al Irannyń SİM basshysy Mohammad Djavad Zarıftiń aıtýynsha, lańkestik áreketti «terorızmge qoldaý bildirgen aımaqtyq demeýshiler men amerıkalyq nusqaýshylar» jasady.  

Irannyń áskerı qorǵanys kúshi de sodyrlar AQSH jáne Izraılmen baılanysy bar degen oıda. Saýd Arabıasy teraktige qatysy joq ekenin aıtady.