Shyǵys Qazaqstan oblysynda Zyrán aýdany men qalasynyń ataýyn Altaı dep ózgertý týraly qoǵam qaıratkerleri men el aǵalary óz oılaryn bildirip jatyr. Sizderge akademık, jazýshy Ǵarıfolla Esimniń pikirin usynyp otyrmyz.

Halyq kókireginiń tórinde júrgen oıdy Danıal Ahmetov dóp basty. Bul ulttyq múddeni kózdegen jańashyl ákimniń ınovasıalyq sheshimi boldy. Altaı ataýynyń jańǵyrýy osy ólkege nursáýle bolatyn oqıǵa. «Altaı» esimi ótken men bolashaqty baılanystyratyn altyn kópir.      

Osy tusta Zyrán halqynyń birtutastyq tanytyp, biraýyzdan bolashaqqa umtylyp, Altaı ataýyn qoldaǵandyǵy kóńil qýantady. Jaqsylyqty tosýdyń qajeti joq, jaqsylyqty jaqyndatý kerek. Osy tusta oblys ákimi bul isti keıinge shegermeı jedeldetýi jón boldy dep bilem.        

Zyrán aýdany men qalasynyń atyn Altaı dep ózgertýdi Respýblıka jurtshylyǵy qyzý qoldaýda. Basylym betinen mundaı aqparatpen tanys bolǵan ǵalymdar men qoǵam qaıratkerleri bir-birimen sóılesip, bir-birimen qýanyshty habardy bólisýde. Onyń sebebi bar, Tór Altaı, Ór Altaı degen uǵymdar tek qana Shyǵys Qazaqstan oblysyna tán ataýlar. Keńestik zamanda Altaıǵa qatysty ataýlar joıylǵan. Rýhanı jańǵyrý degenmimiz tól ataýlardy qalpyna keltirý. Zyrán aýdanynyń Altaı atalýy osy rýhanı jańǵyrýdyń naqty kórinisi. 

Ǵarıfolla Esim,

Akademık, jazýshy