Qazaqstandaǵy ultaralyq jáne dinaralyq tatýlyqty nyǵaıtý, el birligi men beıbitshilik ıdeıasyn nasıhattaý maqsatynda «Etnosaralyq kelisimniń qazaqstandyq úlgisi» atty dóńgelek ústel ótti. Ony Almaty qalasy İshki saıasat basqarmasynyń qoldaýymen «Adyrna» ulttyq-etnografıalyq birlestigi I.A.Krylov atyndaǵy balalar kitaphanasynyń konferensıa zalynda ótkizdi.

Dóńgelek ústelge «Qazaqstan dunǵan qoǵamy» qoǵamdyq birlestiginiń tórǵasy Abýbakır Voınse, Grýzın etno-mádenı birlestiginiń tóraǵasy Kahaber Gabelashvılı, «Somonıen» tájik etno-mádenı birlestigi tóraǵasynyń orynbasary Inoıatýlo Valıev, «Ahyska» halyqaralyq gazetiniń jaýapty hatshysy Aınagúl Tóleýtaeva, Almaty Qurylys jáne halyqtyq kásipshilik kolejiniń, Almaty tehnologıa jáne florestıka kolejiniń stýdentteri qatysty. Jıynǵa belgili qoǵam belsendisi Batyrjan Seıdomar moderatorlyq etti.

Alǵashqy sóz alǵan Abýbakır Voınse stýdentterge: “Qazaq halqynyń ejelden basqa ulttarmen tatý-tátti bolǵanyn, jáne qonaqjaılylyqpen qamqor bolǵanyn”,- aıtty. Kahaber Gabelashvılı Elbasynyń ultaralyq jáne dinaralyq tatýlyqty nyǵaıtý boıynsha saıasatynyń ońdy nátıjelerinen mysaldar keltirip sóıledi. Inoıatýlo Valıev osy taqyryp boıynsha óz oıymen bólisip ketti. Mádenıettanýshy Berdaly Ospanov aǵamyz ejelgi ata-babamyzdan qalyptasqan ultaralyq tatýlyqtan birneshe mysaldar keltirip, qazirgi biz urpaqtar sol joldyń jalǵastyrýshysy ekenimizdi jetkizdi. Dóńgelek ústelde 70-ten astam stýdent assambleıa múshelerimen etnomádenı birlestikter basshylaryna suraqtar qoıyp, kóptegen paıdaly aqparattar aldy. Qatysýshylar bir saǵattyq kezdesýdiń qalaı tez ótkenin baıqamaı qaldy. Kezdesý sońynda stýdentter assambleıa múshelerimen jáne uıymdastyrýshylarmen birge estelik fotoǵa tústi.