Aksıa bastalǵan kúnnen búginge deıin 10 116 balaǵa jalpy quny 144 mln.teńgeden asa qarajat kóleminde materıaldyq kómek kórsetildi, dep habarlaıdy Atyraý oblysynyń Óńirlik komýnıkasıalar qyzmeti.
Memlekettik mekemeler, shaǵyn jáne orta kásip ıeleri, jaýapkershiligi shekteýli seriktester jáne demeýshiler kómegimen balalar oqýǵa eń qajetti : mektep jáne sporttyq kostúmdermen, krosovkalar, sómkeler jáne keńse taýarlarymen qamtyldy. Aıta ketý kerek, aksıa sheńberinde mektepke barmaıtyn balalarǵa, sonymen qatar halyqtyń áleýmettik qorǵalmaǵan toptaryndaǵy balalardy mektepke daıyndaýǵa erekshe kóńil bólindi.
- Balalar tek mektepke qajetti oqý quraldar, jyly kıimder ǵana emes, azyq-túlik jáne et ónimderimen qamtyldy. Bir otbasyǵa tipti tońazytqysh syılady. Eskere ketsek, «Mektepke jol» aksıasy jalǵasýda, kóp balaly, az qamtylǵan nemese belgili sebeptermen qıyn jaǵdaıǵa tap bolǵan adamdar atalǵan kómekke muqtajdyǵy týraly ótinish jaza alady jáne mindetti túrde qoldaý kórsetiledi,- deıdi oblystyq bilim basqarmasy. 
Aıta keteıik, iri kólemdegi «Mektepke jol» aksıasy aǵymdaǵy jyldyń 1 tamyzynan 30 qyrkúıegine deıin jalǵasady. Aksıaǵa qatysam deýshiler aýdandyq jáne qalalyq bilim bólimine kelýine bolady, bólimderde az qamtylǵan otbasylar tizimi men baılanys nómirleri bar.