Qazaqstandaǵy sapar barysynda Koreıa Respýblıkasynyń Tótenshe jáne Ókiletti elshisi Kım De Sık Atyraý oblysynyń ákimi Nurlan Noǵaevpen kezdesti.

Dıplomat Atyraý qalasyna thekvondodan alǵashqy Ashyq Azıa chempıonatynyń saltanatyna qatysý úshin kelgen bolatyn. Eki eldiń sporttyq jetistikteri kezdesýdegi negizgi talqylaýlardyń biri boldy.

- Atyraýǵa qonaq bolǵanyńyz úshin sizge alǵys aıtamyz. Munda alǵash ret thekvondodan Ashyq Azıalyq chempıonat ótip jatyr. Azıanyń thekvondo birlestiginiń prezıdenti Kú Seok Lıdi qarsy alǵanymyzǵa qýanyshtymyz. Sporttyq jarystar halyqtar men memleketterdi jaqyndastyrýǵa úlesin qosady,-dedi Nurlan Noǵaev. - Bul sport túrinde sportshylarymyz tamasha jetistikterge jetti. Onyń biri,Indonezıadaǵy Azıa oıyndarynda kúmis júldeger atanǵan Jansel Denız.

Oblys ákimi kóptegen sport túrlerinde qazaqstandyq sportshylardyń osyndaı jetistikteriniń bar ekenin atap ótti.

- Durys aıtasyz. Sport bul  elder men halyqtardy biriktiredi. 2018 jyly  Phenchhan qalasynda ótken qysqy Olımpıada oıyndarynda búkil álemge sportty biriktiretin faktor kórsetildi, - dedi Kım De Sık. - Eger ekonomıkadaǵy qarym-qatynasymyz týraly aıtsam, sizdiń eldiń jáne aımaqtyń ekonomıkasyna Ońtústik Koreıa bıznesiniń qosqan úlesin atap ótkim keledi. Qazirgi tańda, bizdiń kompanıamyz oblystyń munaı ónerkásibinde jumys isteıdi, medısına salasyn damytý úshin kóptegen jobalar daıyndaǵan. Atyraý ınvestısıa úshin bolashaǵy jarqyn aımaqtardyń biri jáne Qazaqstan ekonomıkasyn damytýda úlken ról atqarady.

Dıplomat jastardyń Káris tilin úırenýge qyzyǵýshylyǵyn atap ótti, bul Atyraý memlekettik ýnıversıtetiniń stýdentterimen kezdesýde aıtylǵan bolatyn.

- Biz stýdentterge qajetti bilim berý materıaldaryn usynýǵa daıynbyz. Biz Qazaqstan prezıdenti júrgizip otyrǵan saıasattyń kóp ultty memlekette beıbitshilik pen kelisim ornatýǵa baǵyttalǵanyn bilemiz , - dep atap ótti elshi.

Oblys ákimi óz kezeginde Elbasynyń memleket beıbit eldiń damýy úshin barlyq qajetti jaǵdaılardyń jasalǵanyn aıtty. Qazaqstanda turatyn 130 ulttyń quqyqtary men mindetteri teń.

- Elbasymyz Nursultan Nazarbaevtyń saıasatynyń arqasynda Qazaqstan álemde laıyqty oryn aldy. Biz ınvestısıalar jáne birlesken jobalarǵa daıynbyz. Qolaıly ınvestısıalyq ahýal ekonomıkanyń túrli salalarynda kóptegen jobalardy júzege asyrýǵa múmkindik beredi, - dedi Nurlan Noǵaev. - Biz sizdiń eldiń ınvestısıalyq jobalaryn talqylaýǵa jáne qoldaýǵa daıynbyz. Jańa óndiristerdi damytý úshin barlyq alǵysharttar bar.

Atap ótkendeı, Koreıa Respýblıkasynyń delegasıasy thekvondodan alǵashqy ashyq Azıa chempıonatynyń saltanatyna qatysatyn bolady. Tokıoda ótetin Olımpıadaǵa lısenzıa alý úshin 400-ge jýyq sportshy kúresýge daıyn.