Qazaqstannyń jalpyulttyq deńgeıdegi qasıetti oryndary men keshenderiniń tolyq tizimine kirgen nysandar, ıaǵnı, respýblıkalyq mánge ıe 23 tarıhı jáne mádenı eskertkishterge ǵylymı-qalpyna keltirý jumystary ótkizildi. Atap aıtqanda, Shaqpaq ata, Qaraman ata qorymdary, Qoja Ahmet Iassaýı, Arystan bab keseneleri, Aqyrtas, Appaq ıshan kúmbezderi, Eski Túrkistan, Saýran, Syǵanaq, Eski Taraz, Talǵar qalashyqtary jóndeldi. Aldaǵy ýaqytta memlekettik tarıhı-mádenı qoryq-murajaılarynyń «Ulytaý», «Otyrar» jáne «Tańbaly» atty úsh birdeı qabyldaý ortalyqtarynyń qurylysy júredi dep kútilýde.

Qazaqstannan shyqqan tanymal tarıhı tulǵalarmen baılanysty sheteldegi qasıetti jerlerdi zertteý jáne taný jumystary bastalady. Atap aıtqanda, atalmysh jospardyń basty baǵdary Reseı jáne Ózbekstan elderine negizdeledi.

Búgingi tańda «Qazaqstannyń qasıetti geografıasy» arnaıy jobasyn júzege asyrý aıasynda elimizdiń barlyq óńirlerinde birqatar jumystar jasalýda. Máselen, bir ǵana Atyraý oblysynda uzyndyǵy 33 shaqyrym bolatyn  «Aqmeshit» keshenine Qulsary qalasynan jol qurylysy boıynsha jobalyq-smetalyq qujattama daıyndaldy jáne saraptamaǵa usynyldy. Búginde kórsetilgen nysanǵa deıin elektr jelisi jáne qabyldaý ortalyǵy salyndy.

Qazirgi tańda «Jalpyulttyq jáne óńirlik qasıetti jerler boıynsha nysandardyń árqaısysynyń tolyq sıpattamasy men 3D týrlary kórsetilgen ınteraktıvti, vırtýaldy kartalar jumys istep tur. Qazaqstannyń qasıetti nysandary týraly áleýmettik jelilerge arnalǵan uıaly formattaǵy otyz beınerolık, QR Ulttyq murajaıynda «Rýhanı jańǵyrý» zaly ashyldy.

«Týǵan jer» baǵdarlamasy aıasynda jas býynnyń tanymdyq kózqarasyn keńeıtý, elimizdegi tarıhı mańyzy zor oryndarmen tanystyrý, Otanǵa degen súıispenshilik sezimin arttyrý maqsatynda mektep oqýshylarynyń Qazaqstannyń qasıetti oryndaryna saıahatyn uıymdastyrý jónindegi respýblıkalyq aksıa bastaý aldy. Arnaıy belgilengen grafıkke sáıkes, Qazaqstannyń ár aýmaǵynan 70 oqýshy respýblıkamyz boıynsha ólketaný týrlaryna shyqty. Atalmysh týrlarǵa az qamtylǵan otbasy balalary, múmkindigi shekteýli balalar, oqý ozattary, jarystar men báıgelerdiń júldegerleri qatysý múmkindigine ıe boldy.

Elimizdiń tarıhı jáne rýhanı ómirinen syr shertý, ári týrızm salasyn damytý maqsatynda BBC World News telearnasynyń qatysýymen «Qazaqstannyń qasıetti jerleriniń geografıasy», «Altyn batyr», «Qoja Ahmet Iassaýı jáne Aısha bıbi keseneleri» fılmder jınaǵy jaryq kórdi. Sondaı-aq,  «Kúltegin. Jańa kózqaras» atty derekti tarıhı fılm, tanymal akter Mark Dakaskostyń qatysýymen «Nomadtar jeri» fılmi jaryqqa shyqty.