Elbasy 5 qazanda Aqorda rezıdensıasynda halyqqa Joldaýyn jarıalaıdy, dep habarlaıdy Qamshy.kz aqparat agenttigi. Joldaýyn jarıalamas buryn Qazaqstannyń búgingi kúnge deıingi jetistikterin tizip, aldaǵy josparlarǵa toqtalyp ótti.

Elbasy Joldaýyn ulttyq telearnalar men Aqordanyń Feısbýktegi resmı paraqshasy tikeleı efırde kórsetetin bolady.

«27 jyl ishinde berik ekonomıkalyq el qalyptastyrdyq. Shaǵyn jáne orta bıznes damyp keledi. Syn-qaterlerge der kezinde nazar aýdardyq, máseleni sheshýde belsendi jumys istedik», - dedi Elbasy.

Elbasynyń 2017 jylǵy «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda el ekonomıkasyn órkendetip qana qoımaı, bilimdi damytý, rýhanıatymyzdy jańǵyrtý, qaýipsizdik sharalaryn kúsheıtý, dinı ekstremızmniń aldyn alý, qylmystyq jazany ótep jatqan azamattardy teologıalyq turǵydan saýattandyrý máseleleri aıtyldy.

Sonymen qatar, óskeleń urpaqty óz betimen izdenýge úndep, osy baǵytta oqytý baǵdarlamalaryn jetildirýdi tapsyrdy. Sonymen qatar, IT-bilimdi, qarjylyq saýattylyqty, ultjandylyqty damytýǵa basa kóńil bólý qajettigin sóz etti.

Al 2018 jyly 10 qańtarda «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýyn jarıalady. Onda Tórtinshi ónerkásiptik revolúsıa álemine beıimdelý men jetistikke jetý jolyn tabý úshin ne isteý qajettigin aıqyndady.  úsh tildi meńgergen kez kelgen etnıkalyq toptyń ókili Prezıdent bola alatyny aıtyldy. 2018 jyly zeınetaqy men járdemaqynyń jáne muǵalimder jalaqysynyń neshe paıyzǵa ósetinin habarlady.