Kópten kútken Elbasynyń Joldaýy búgin jarıalanady. Birneshe mınýt buryn tikeleı efırde sóz bastaǵan Nursultan Ábishuly sózin iri bastady ıakı otandyq ónimdi qoldaý máselesine birden aksent túsirdi.

«Kostúmderińdi sheshseńder, jalańash qalasyńdar» degen Nazarbaev ózi sheteldiń emes, tek Qazaqstandyq sángerlerdiń qolynan shyqqan kıimderdi kıetinin erekshe atap ótti. ««Qazaqstanda jasalǵan» degen jazýdy kórseńder de sheteldikin alasyńdar. Sheteldiki qymbat. Sonda da qymbatqa júgiresińder. Qazaqstandyqtar baıyp ketken»,- dep renishin bildirgendeı boldy Elbasy.

 Aıanbaı jumys jasańdar dep sheneýnikterge aqyl-keńesin aıtty Nursultan Ábishuly. "Senderdiń qoldaryńnan is kelmese, sheteldikterdi alamyn, amerıkalyqtardyń, japondyqtardyń kómegine júginemin" dep kesip aıtty.

Adamnyń ómirinen artyq ne bar dep oı tolǵaǵan Elbasy onkologıalyq aýrýlardy emdeý úshin qajetti qymbat tehnıkany, apparattardy satyp alýdy buıyrdy. "Júrekke ashyq túrde ota jasaımyz, endigi kezek qaterli isikte. Qaterlik isik adamnyń ómirin jalmaýdan ekinshi orynda tur" dep ashyndy.