Antalıada ótken 55-shi Halyqaralyq kınofestıval jeńimpazdarynyń esimderi jarıalandy, dep habarlaıdy  Qamshy.kz aqparat agenttigi QazAqparatqa silteme jasap. 

Bıylǵy Antalıa Halyqaralyq kınofestıvaline 10 fılm, sonyń ishinde 2 túrik fılmi usynylǵan, olardy 34 myń kórermen tamashalady. Keshe, 5 qazan kúni festıvál marapattaryn tabystaý saltanaty ótti. «Úzdik fılm» atalymynda ırandyq rejıser Djafar Panahıdiń «Úsh Tulǵa (Three Faces)» fılmi jeńiske jetti.

Rejıserdiń ózi úıqamaqta bolýyna baılanysty, júlde onyń qyzyna tapsyryldy. «Úzdik aktrısa» atalymynyń jeńimpazy ataǵyna - «Aıka» fılmindegi róli úshin Samal Eslámova laıyqty dep tabyldy. «Úzdik akter» nagradasy «Kapernaým» fılmindegi róli úshin Zaın ál-Rafeaǵa berildi.

Japon rejıseri Hırokadzý Koreeda «Dúken urylary (Shoplifters)» fılmi úshin «Úzdik rejıser» atandy. Amerıkalyq akter Erık Robertske «Qurmetti nagrada» tabystaldy. Aıta keteıik, festıvál 29 qyrkúıek pen 5 qazan aralyǵynda ótti.