Búgin úkimet otyrysynda ınjenerlik-kóliktik ınfraqurylymmen qamtamasyz etý arqyly Astana qalasynyń 2019–2023 jyldarǵa arnalǵan jınaqy qurylysy jónindegi keshendi jospary maquldandy.
2023 jylǵa deıin elordada 10 mıllıon sharshy metr turǵyn úı paıdalanýǵa beriledi. Bul týraly búgin Úkimettiń selektorlyq rejimdegi otyrysynda elordanyń 2019-2023 jyldarǵa arnalǵan jınaqy qurylysy jónindegi keshendi jospary jobasyn tanystyrǵan Astana ákimi Baqyt Sultanov aıtty
Elorda ákimi Baqyt Sultanov Memleket basshysynyń tapsyrmasyn oryndaý maqsatynda ákimdik Keshendi jospar ázirlegenin atap ótti. Igerý aýmaǵynyń shekaralary 25,7 myń gektardan 15,4 myń gektarǵa deıin ońtaılandyryldy jáne bes perspektıvaly qurylys salý aımaǵy anyqtaldy: Myńjyldyq aleıasy men «Nurly jol» vokzaly; Máńgilik El dańǵyly; Turan dańǵylynan batysqa qaraı; Telman kentinen ońtústikke qaraı; Asan Qaıǵy kóshesi aýdanyn jańartý.
«Aldaǵy bes jyldyń ishinde elordanyń damýyna shamamen 6 trln teńge jeke ınvestısıa salynady. Osylaısha, 1 teńge memlekettik ınvestısıaǵa 4–5 teńge jeke kapıtal salynatyn bolady. Óz kezeginde, bul áleýmettik jáne ınjenerlik ınfraqurylymnyń keńeıýine, sondaı-aq turǵyn úı qurylysynyń ósimine múmkindik týǵyzady», — dedi Baqyt Sultanov.
Onyń aıtýynsha, aýmaqtarda belsendi qurylys salý 2023 jylǵa deıin shamamen 10 mln sharshy metr turǵyn úı engizilimin qamtamasyz etedi.
Kóliktendirý deńgeıiniń 8-9% deıin jyl saıynǵy ulǵaıýyn eskere otyryp, 2023 jylǵa deıin 121 km jol, eki jol aıryǵyn, úsh kópir, bir jol ótpesin, bir tonnel salý jáne aınalma joldy aıaqtaý josparlanýda. Kólik qańqasyn qurý elorda joldarynda kóliktik kollapstyń týyndaýyna jol bermeýdi jáne qalanyń negizgi magıstraldarynan 50% júktemeni tómendetýge múmkindik beredi.
«Ekonomıka men salyq salynatyn baza ósiminiń kútiletin qarqyny Jergilikti búdjet kirisiniń 43,7 paıyzǵa, 355 mlrd teńgege deıin ulǵaıýyn qamtamasyz etedi. Astana qalasynan respýblıkalyq búdjetke jyl saıynǵy túsimder 14 paıyzǵa, 2018 jylǵy 823 mlrd teńgeden 2023 jyly 940 mlrd teńgege deıin ósedi. Sonymen qatar, aldaǵy 5 jyldyń ishinde elordanyń damýyna shamamen 6 trln teńge jeke ınvestısıa salynady», - dedi qala basshysy.
Osylaısha, onyń dereginshe, 1 teńge memlekettik ınvestısıaǵa 4-5 teńge jeke kapıtal salynatyn bolady. Óz kezeginde, bul áleýmettik jáne ınjenerlik ınfraqurylymnyń keńeıýine, sondaı-aq turǵyn úı qurylysynyń ósimine múmkindik týǵyzady.
«Aýmaqtarda belsendi qurylys salý 2023 jylǵa deıin shamamen 10 mln sharshy metr turǵyn úı engizilimin qamtamasyz etedi. Kóliktendirý deńgeıiniń 8-9 paıyzǵa deıin jyl saıynǵy ulǵaıýyn eskere otyryp, 2023 jylǵa deıin 121 shaqyrym jol, 2 jol aıryǵyn, 3 kópir, 1 jol ótpesin, 1 jer asty jolyn salý jáne 1 aınalma joldy aıaqtaý josparlanýda. Kólik qańqasyn qurý elorda joldarynda kóliktik kollapstyń týyndaýyna jol bermeýdi jáne qalanyń negizgi magıstraldarynan 50 paıyzǵa júktemeni tómendetýge múmkindik beredi», - dedi Baqyt Sultanov.
