Astana qalasynyń Jumyspen qamtý jáne áleýmettik qorǵaý basqarmasy «Nurly jer» memlekettik turǵyn úı qurylysy baǵdarlamasy sheńberinde Astana qalasynda komýnaldyq turǵyn úı qorynan turǵyn úıge muqtajdar tirkeýindegi kezektiler úshin qujattardy qabyldaýdy jarıalaıdy.
Halyqtyń qalyń jigin turǵyn úımen qamtamasyz etý maqsatynda Qazaqstan Respýblıkasy Úkimetiniń 2018 jylǵy 22 maýsymdaǵy № 372 qaýlysymen «Nurly jer» memlekettik turǵyn úı qurylysy baǵdarlamasy (budan ári - Baǵdarlama) bekitilgen. Osy Baǵdarlama sheńberinde «Qazaqstan ıpotekalyq kompanıasy» ıpotekalyq uıymy» aksıonerlik qoǵamynyń turǵyn úıi» (budan ári - «QIK» IU» AQ turǵyn úıi), halyqtyń barlyq sanattaryna arnalǵan «Qazaqstannyń turǵyn úı qurylys jınaq banki» aksıonerlik qoǵamynyń turǵyn úıi (budan ári - «QTQJB» AQ turǵyn úıi») baǵyttary boıynsha turǵyn úılerdi júzege asyrý qarastyrylǵan.
«QIK» IU «AQ» baǵyty boıynsha 80 páterdi satyp alý múmkindigimen jalǵa berý iske asyrý josparlanýda. Turǵyn úıdi satyp alý quqyǵyn 20 jylǵa deıingi merzimge jalǵa berý usynylmaq.Astana qalasy, Lepsi kóshesi mekenjaıy boıynsha ornalasqan kóppáterli turǵyn kesheninde jalǵa beriletin turǵyn úıdiń 1 sharshy metri 838 teńgeni quraıdy, onyń ishinde: 25 - 39,34-ten - 41,51-ge deıin sh.m bir bólmeli páter; 41 - 54,71-den - 67,37-ge deıin sh.m eki bólmeli páter; 14 - 76,88-den - 77,69-ǵa deıin sh.m úsh bólmeli páter. «QTQJB» AQ turǵyn úıi» baǵyty boıynsha baǵdarlama sharttaryna sáıkes Astana qalasynda komýnaldyq turǵyn úı qorynan turǵyn úıge muqtajdar esebinde turǵan azamattar (kezektegiler) kelesi sanattar boıynsha qabyldaı alady: kópbalaly otbasylar, tolyq emes otbasylar, múgedek balalary bar nemese tárbıelep otyrǵan otbasylar, jetim balalar, ata-anasynyń qamqorlyǵynsyz qalǵan balalar, oralmandar, memlekettik qyzmetshiler, áskerı qyzmetshiler, arnaýly memlekettik organdardyń qyzmetkerleri, búdjettik uıymdardyń qyzmetkerleri, 1 jáne 2-toptaǵy múgedekter. Osy baǵyttaǵy qatysýshylardy qalyptastyrý myna kishi toptar men ólshemderge sáıkes júrgiziletin bolady: 1-kishi top - joǵaryda kórsetilgen sanattaǵy kezekte turǵandar, keminde 3 jyl nekede, balalary (balasy) bar jáne jubaılardyń ekeýiniń de jasy otyz bes jasqa tolmaǵan (Baǵdarlamaǵa qatysýǵa ótinish berý sátinde), sondaı-aq balalardy (balany) jasy otyz beske tolmaǵan, onyń ishinde ajyrasqan, jesir/tul qalǵan ata-ananyń biri ǵana tárbıelep otyrǵan «tolyq emes otbasylar»; 2-kishi top - 1-kishi topqa engizilmegen, joǵaryda kórsetilgen sanattaǵy kezekte turǵandar. «QTQJB» AQ turǵyn úıi» baǵdary boıynsha Astana qalasynyń ákimdigi men «Qazaqstannyń turǵyn úı qurylys jınaq banki» aksıonerlik qoǵamy (budan ári - «QTQJB» AQ) arasynda Astana qalasynda №№ 23-31, 23-16, 23-17, 23-30, A98 (jobalyq ataýlar) kósheleri qıylysy aýdanynda kóppáterli turǵyn úı kesheninde ornalasqan 4 klasty jaılylyqty, turǵyn úıdiń 1 sharshy metri 120 teńge bolatyn 21 páterdi satý boıynsha 2016 jylǵy 26 shildede Yntymaqtastyq týraly kelisimge qol qoıylǵan. Onyń ishinde: 3 - 39,4-ten - 42,48-ge deıin sh.m bir bólmeli páter; 15 - 57,59-dan - 58,43-ke deıin sh.m eki bólmeli páter; 3 - 76,97-den - 78,06-ǵa deıin sh.m úsh bólmeli páter. Turǵyn úı óz qarajaty nemese turǵyn úı qurylys jınaǵynan, nesıe esebinen tikeleı satyp alý arqyly jeke menshikke beriledi. Tólem qabilettigi rastalmaǵan jaǵdaıda turǵyn úı 8 jyldan aspaıtyn merzimge satyp alýmen jalǵa beriledi. «QTQJB» AQ turǵyn úıi» baǵyty boıynsha baǵdarlama sharttaryna sáıkes Astana qalasynda komýnaldyq turǵyn úı qorynan turǵyn úıge muqtajdar esebinde turǵan azamattar (kezektegiler) myna sanattar boıynsha qatysa alady: jetim balalar, ata-anasynyń qamqorlyǵynsyz qalǵan balalar, Uly Otan soǵysynyń múgedekterine jáne qatysýshylaryna teńestirilgen tulǵalar, jasyna qaraı zeınetkerler, oralmandar, tolyq emes otbasylar, memlekettik qyzmetshiler, áskerı qyzmetshiler, arnaıy memlekettik organdardyń qyzmetkerleri, búdjettik uıymdardyń qyzmetkerleri. Qujattardy qabyldaý ótinish berýshiniń elektrondyq sıfrlyq qoltańbasyn qoldanýmen, e.astana.kz veb-portaly arqyly ǵana júzege asyrylady, «QIK» IU» AQ turǵyn úıi» júıesinde - 2018 jyl 3-5 qazan aralyqtarynda (qosa alǵanda), «QTQJB» AQ turǵyn úıi» júıesinde - 2018 jylǵy 10 - 12 qazan aralyqtarynda (qosa alǵanda). Portaldyń jumys isteý ýaqyty - táýlik boıy. Turǵyn úıdi alýǵa úmitkerlerge qoıylatyn negizgi talaptar: 1) Qazaqstan Respýblıkasynyń azamattyǵy nemese oralman mártebesiniń bolýy; 2) ótinish bergen kúnge sońǵy eki jáne odan da kóp jyl Astana qalasynda turaqty tirkeýde bolýy; 3) Baǵdarlamaǵa qatysýshynyń jáne onymen birge turatyn otbasy músheleriniń (jubaıynyń, kámelettik jasqa tolmaǵan balalarynyń), sondaı-aq otbasy quramyna kiretin jáne ótinishte kórsetilgen otbasynyń ózge de músheleriniń: árbir otbasy múshesine paıdaly alańy 15 sharshy metrden kem bolatyn jataqhanadaǵy bólmeniń bolýy; osy turǵyn úıdiń ornalasqan jeri boıynsha jergilikti atqarýshy organnyń tıisti anyqtamasymen rastalatyn qulaý (qıraý) qaýpi bar avarıalyq jaǵdaıdaǵy balshyqtan quıylǵan jáne qańqaly-qamysty turǵyn úılerdi qospaǵanda Qazaqstan Respýblıkasynyń aýmaǵynda menshik quqyǵynda (ortaq birlesken menshigi, osy tarmaqshada kórsetilgen turǵyn úı birligi retinde ózge otbasy múshelerimen ortaq birlesken (úlestik) menshigin quraıtyn úlestik menshiktegi úlesi); 4) Baǵdarlamaǵa qatysýmenen jáne onymen únemi birge turatyn otbasy músheleriniń (jubaıynyń, kámeletke tolmaǵan balalarynyń), sondaı-aq otbasy quramyna kiretin jáne ótinishte kórsetilgen otbasynyń basqa músheleriniń Qazaqstan Respýblıkasynyń aýmaǵynda sońǵy 5 (bes) jyl ishinde turǵyn úıdi aýystyrý nemese ózine menshik quqyǵynda tıesili turǵyn úıdi ıelikten shyǵarý arqyly turǵyn úı jaǵdaılaryn ádeıi nasharlatýy faktileriniń bolmaýy; 5) satyp alý quqyǵymen jáne satyp alýsyz jalǵa beriletin turǵyn úıdi iske asyrý sharttary boıynsha tıisti kiristerimen mindettemelerdi oryndaý múmkindigin rastaý (tólem qabilettiligin baǵalaý). Baǵdarlama sheńberinde qujattardy qabyldaý merzimi ishinde ótinish tek bir ret berilýi múmkin. Ótinish komýnaldyq turǵyn úı qorynan turǵyn úıge muqtajdar esebinde turǵan kezektegi adamdar berýi tıis. Eger, ótinish berýshi kezektegiler tiziminde bolmasa, ótinish joıylady. Ótinishti portal arqyly toltyrmas buryn, ótinishti berý nusqaýlyǵymen tanysý qajet. Turǵyn úılerdi alýǵa úmitkerler mynadaı qujattardy usynýy qajet:
1) belgili bir páter túrine arnalǵan ótinish (budan ári - ótinish);
2) ótinish berýshi men onyń otbasy músheleriniń jeke basyn kýálandyratyn qujat; 3) ótinish berýshini jáne onymen turaqty birge turatyn otbasy múshelerin turǵylyqty jeri boıynsha tirkeý týraly mekenjaı anyqtamasy; 4) neke qıý/nekeni buzý, jubaıynyń/zaıybynyń qaıtys bolýy, balalardyń týý týraly kýálikteri, ótinish berýshiniń nekede turmaıtyndyǵy týraly notarıat kýálandyrǵan ótinish; 5) ótinish berýshiniń jáne onymen turaqty birge turatyn otbasy músheleriniń Qazaqstan Respýblıkasynyń aýmaǵy boıynsha menshik quqyǵyndaǵy úıiniń nemese satyp alýmen jaldamaly turǵyn úıiniń bar nemese joq ekendigi týraly anyqtama; 6) jyljymaıtyn múlikke tirkelgen quqyqtar jáne onyń tehnıkalyq sıpattamalary (balshyqtan quıylǵan jáne qańqaly-qamysty turǵyn úıdegi, jataqhanadaǵy bólmede úlesi bolǵan kezde) týraly anyqtama, sondaı-aq atalǵan jaǵdaılarda menshik quqyǵynyń týyndaýyn rastaıtyn qujattar; 7) ótinish berýshiniń basqa adamdaryn otbasy músheleri retinde taný týraly sot sheshimi; 8) jalaqy týraly anyqtama; 9) jumys ornynan anyqtama; 10) kezektilik nómirin nemese biregeı nómirdi kórsete otyryp turǵyn úıge muqtajdar (Baǵdarlamaǵa qatysýǵa ótinish bergen kezde) esebine qoıý týraly málimetter; 11) «Turǵyn úı qatynastary týraly» Qazaqstan Respýblıkasy Zańynyń 67-babynda aıqyndalǵan sanattarǵa ótinish berýshiniń qatysyn rastaıtyn qujattar. Qajet bolǵan jaǵdaıda, azamattar «Astana qalasynyń Jumyspen qamtý jáne áleýmettik qorǵaý basqarmasy» memlekettik mekemesiniń qyzmetkerlerimen qosymsha qujattar usyný nemese ótinish ıesimen berilgen málimetterdi anyqtaý úshin shaqyrylýy múmkin. Otbasy quramy (otbasy músheleriniń sany) talap etilgen páterdiń alańyna áser etpeıdi, úmitkerler óz qalaýy boıynsha páter túrin kórsetedi. Ótinish berýshiler arasynda aldyn ala irikteý Astana qalasy ákimdiginiń janyndaǵy Turǵyn úı komısıasymen (budan ári - Komısıa) «Nurly jer» turǵyn úı qurylysy baǵdarlamasy sheńberinde turǵyn úıge muqtajdylardy esepke qoıý tizimderine jáne sol kezekke turǵan kúnine sáıkes júrgiziledi. Ótinish berýshilerdiń tólem qabilettilikterine iriktelgen baǵalaý júrgizgennen keıin Komısıa Astana qalasy ákimdiginiń ınternet- resýrstarynda jarıalanatyn Baǵdarlama qatysýshylardyń túpkilikti tizimin bekitedi. Baǵdarlama sheńberinde Baǵdarlamanyń barlyq baǵyttary jáne Qazaqstan Respýblıkasynyń barlyq óńirleri boıynsha 1 birlikten aspaıtyn turǵyn úıdi jeke menshikke satyp alýǵa nemese satyp alý múmkindigimen jalǵa berýge bolady.
