Áıgili qazaq aktery Erik Joljaqsynovtyń qyzy Amerıka kınoındýstrıasyn baǵyndyrýǵa bel býdy. 2015 jyldan bastap jas aktrısa Horlan Joljaqsynova AQSH-ta jalǵyz ǵana maqsatpen turyp jatyr – aktrısa mamandyǵyn oqyp shyǵý jáne álemdik kınoǵa túsý.
Týra sol jyly jas aktrısa Nú-Iork kınoakademıasyna oqýǵa (New York Film Academy - NYFA) tústi, sol jerde kásibı akterlik sheberligin ushtady. Horlan kıno aktery mamandyǵy boıynsha ásem ónerler magıstriniń dárejesin aldy. Ol óz maqsatyna jetti. Endi oǵan amerıkandyq kınoarman – Gollıvýdtyń eń joǵarǵy shyńdaryn baǵyndyrý ǵana qaldy.
Onyń eń alǵashqy qadamdary aıtarlyqtaı jemisterin de bere bastady. Horlan Los-Andjeleste áıgili amerıkandyq ánshi jáne akter Krıs Braýnnyń beıneklıpine de túsip úlgerdi.
Qazir jas aktrısa kásibı túrde vokalmen aınalysýda jáne áıgili amerıkandyq ártispen dýet bolyp án shyrqamaqshy. Biraq bul týraly jańalyqty 2019 jylǵy qańtardyń basynda Horlan ózi tolyǵyraq aıtyp beredi. Bul oqıǵa shynymen aktrısa óneriniń jankúıerleri úshin tosyn syı bolmaq.
Aıtpaqshy, Horlan óz ýaqytynda dombyra synyby boıynsha Muqan Tólebaev atyndaǵy mýzykalyq mektepti aıaqtaǵany belgili.
Aıta ketetin taǵy bir jańalyq, jaqyn arada 2018 jyldyń qyrkúıegńnde qysqametrajdy fılmderdiń Kann kınofestıvali ótken edi (http://www.cannes-shorts.com/festival/). Bizdiń keıipker prodúserlegen «Mıa» fılmi atalǵan kınofestıval barysynda on myń fılm arasynan iriktelip, ol jerde 4 kún ishinde 60 eń kúshti qysqa metrajdy fılmder arasynda kórsetildi. Aıtpaqshy, Horlan atalǵan fılmde basty róldi somdady jáne fılm senarıindegi tarıh avtory da ózi boldy.
Osynyń aldynda jas bastaýysh aktrısaǵa úlken sáttilik ákelgen «Aısha» men «Jaryq» telehıkaıalarynda Horlan basty rólderdi somdap, Qazaqstanda birshama ataqty bolǵanyn esterińizge sala keteıik.
Horlan sondaı-aq 2017 jylǵy qarashada álemdik pishindegi juldyzdardyń qatysýymen ótken «Los-Andjelestegi Qazaqstan mádenıeti jáne kıno kúniniń» júrgizýshisi boldy.
Saltanatty is-shara ol kezde talantty qazaqstandyq mýzykanttar men ánshilerdiń shyǵýymen erekshelendi, olardyń arasynda Dımash Qudaıbergen de boldy. Amerıka jerindegi qazaqstandyq mádenıet pen kıno festıvalin ótkizý AQSH-taǵy Qazaqstan Elshiliginiń, QR Mádenıet jáne sport mınıstrliginiń, sondaı-aq QR kınematografıalyq óner jáne ǵylym akademıasynyń arqasynda múmkin boldy.
«Los-Andjelestegi Qazaqstan mádenıeti jáne kıno kúni» is-shara prodúserleri keshtiń júrgizýshisi retinde kóptegen úmitkerler arasynan Horlandy tańdaýlaryna onyń Qazaqstandaǵy eki sátti jobadaǵy basty rólderi septigin tıgizýi ábden múmkin.
«Maqsat, tabandy eńbek jáne talant kez kelgen sáttilikke qol jetkizý úshin negizgi qasıetter bolyp tabylady. Kınoda úlken jetistikterge jetkim keledi jáne bizdiń eldi shetelge áıgili etsem degen armanym bar», - dep jas aktrısa óz sezimin jasyrmady.
Horlan akterler otbasynan shyqqanynan qaramastan, melpomender mýzasyna qyzmet etýdi birden tańdaǵan joq bolatyn.
Qazaqstan-Brıtan tehnıkalyq ýnıversıtetinde qarjy mamandyǵy boıynsha joǵarǵy bilim alyp, ol osy salada kishkene ýaqyt jumys istedi. Tek sosyn ǵana jas qyz óziniń kúshin kınoda kórýge bel býady. Birinshi áreketi sátti bolyp shyqty. «Aısha» telehıkaıasyna túsip, Horlan ol óziniń birinshi jemisin kórdi, fılm otandyq kıonjobanyń hıti bolyp shyǵa keldi.
Ýaqytty beker ótkizbeı, túsirilimder arasynda Horlan óz oqýyn jalǵastyra berdi. Bul joly qarjyger bilimin aldy, biraq Londonda. Birinshi jobadaǵy sáttlikten keıin 2013 jyly Horlan rejıser Ermek Shynarbaevtyń «Dala daýysy» fılminiń basty róline bekitildi. Bul fılmde áıgili fransýz akteri Jerar Deparde de túsedi. Ókinishke oraı, belgili jaǵdaılarǵa baılanysty, Horlan fılmniń túsirilimderine qatysa almady. Degenmen, ony álemdik juldyzben teńestirip, bekitti degen faktiniń ózi ony odan da bıik shyńdar men armandarǵa jeteleı tústi. Jas aktrısa Gollıvýdty baǵyndyrýǵa bet burdy.
Horlan aıaq asty rejıser Bahtıar Seıtkazıevtiń «Jaryq» jańa telehıkaıasynda basty róldi somdaý jóninde usynysyn aldy. Ol úshin Qorlan biraq ýaqytqa óz Otanyna oralýǵa májbúr boldy. Keıinirek, «Jaryq» telehıkaıasy elimizdiń basty arnasy – «Qazaqstannan» kórsetildi. Bul Horlan úshin kezekti sátti qýanyshy edi. Ol óz Otanynda odan da tanymal bola shyqty.
Jaqyn arada Horlan kórermenderin óziniń jańa jobalarymen qýantatynyna tolyq senim bar, ony áıgili kınoprodúserler baıqap, sátti Gollıvýd blokbasterlerine túsýge shaqyrady degen zor senim bar. Sol arqyly óz Otanynda álemdik deńgeıdegi qazaqtan shyqqan taǵy bir jaryq juldyz – Horlan kıno ǵajaby paıda bolady degen senim zor.
