Aqtóbe oblysynda «Nurly jer» baǵdarlamasy boıynsha jetim balalar men kópbalaly otbasylar baspana aldy.
Qazaqstan Respýblıkasy Konstıtýsıasy kúniniń qarsańynda Aqtóbe oblysynyń Alǵa qalasynda «Nurly jer» baǵdarlamasy boıynsha salynǵan 60 páterli turǵyn úı paıdalanýǵa berildi. 12 jetim jáne ata-anasynyń qamqorlyǵynsyz qalǵan, sondaı-aq halyqtyń áleýmettik osal toptaryna jatatyn 48 otbasy jeke menshik baspanasynyń baqytty ıeleri boldy. Olardyń barlyǵy memlekettik turǵyn úı qorynan baspana kezeginde turǵan bolatyn.
Oblys ákimi Berdibek Saparbaev jańa páter ıelerin kópten kútken qýanyshtarymen quttyqtady.
- Turǵyn úı - árbir adamnyń eń basty máselesi jáne aldaǵy jetistiginiń negizi. Sondyqtan memleket halyqty turǵyn úımen qamtamasyz etý úshin jumys istep jatyr, osy maqsatta kóptegen baǵdarlamalar qabyldandy. Olardyń qatarynda «Nurly jer», «7-20-25» baǵdarlamasy bar. Tek Aqtóbe oblysynda ótken jyly 790 myń sharshy metr turǵyn úı salyndy, bıylǵy jyly keminde 870 myń sharshy metr turǵyzýdy josparlap otyrmyz. Bunyń bári Memleket basshysynyń halyqtyń ál-aýqatyn jaqsartýǵa degen qamqorlyǵynyń jáne elimizdiń ekonomıkalyq kúshiniń arqasynda, - dep atap ótti oblys ákimi.
Bıylǵy jyly Alǵada 128 páter paıdalanýǵa beriledi, 2019-2020 jyldary taǵy eki kópqabatty 120 páter salynatyn bolady.
Alǵalyqtardyń qýanyshynyń taǵy bir sebebi 600 oqýshyǵa arnalǵan mektep-gımnazıanyń ashylýy boldy. Bul Alǵadaǵy 30 jyldan astam ýaqyttan beri salynǵan alǵashqy bilim berý mekemesi. Gımnazıa janynda orta mektepteri joq shalǵaıdaǵy aýyldardan shyqqan 100 balany qabyldaıtyn mektep-ınternaty bolady. Qurylystyń quny 1,7 mlrd. teńgeden asady.
- Memleket basshysy Nursultan Nazarbaev árdaıym jastarǵa qamqorlyq jasaıdy. Prezıdenttiń tapsyrmasyn oryndaý barysynda biz oblystyń jas turǵyndaryna qoldaý kórsetý úshin barlyq qajetti sharalardy qabyldaımyz. Básekege qabiletti, joǵary ıntellektýaldyq, fızıkalyq jáne rýhanı damyǵan qazaqstandyqtardy tárbıeleý úshin, mádenıet obektileri, sport, bilim nysandaryn salýdamyz. Bıylǵy jyly oblysta 26 mektep salynady. Onyń ishinde 15 mektep jyldyń sońyna deıin tapsyrylady, 9 mektep qyrkúıekte ashylady, - dedi Berdibek Saparbaev óziniń quttyqtaý sózinde jas alǵalyqtarǵa oqýda joǵary jetistik pen sáttilik tilep.
Mektep-gımnazıa barlyq bilim berý standarttary men qaýipsizdik talaptaryna sáıkes keledi. Ol joǵary jyldamdyqtaǵy ınternetpen jáne oqý prosesinde qajetti barlyq mýltımedıalyq quraldarmen jabdyqtalǵan. Fızıka, hımıa, bıologıa jáne ınformatıka kabınetteri jańa modıfıaksıamen jabdyqtalǵan.
