Almaty qalasy qylmystyq ister boıynsha mamandandyrylǵan aýdanaralyq sotynda Vıktor Hrapýnov pen jary Leıla Hrapýnovaǵa jáne istiń ózge de fıgýranttaryna qatysty úkim shyǵardy. Budan buryn prokýrorlar sottan Vıktor Hrapýnovty 20 jyl, al áıelin 17 jylǵa sottaýdy suraǵan.

Sýdıa Qasym Qalmaǵambetov Vıktor Hrapýnovty 17 jylǵa bas bostandyǵynan aıyryp, múlkin tárkileý, sonymen qatar memlekettik qyzmette, ulttyq holdıńter men kompanıalarda jumys isteý múmkindiginen aıyrý týraly sheshim shyǵardy.

Eks-ákim jazasyn Almatydaǵy qaýipsizdigi qatań qylmystyq-atqarý mekemesinde óteıtin bolady.

Al Hrapýnova 14 jyylǵa sottaldy, jazasyn qaýipsizdigi ortasha qylmystyq-atqarý mekemesinde óteıdi. Ári múlki tárkilenip, memlekettik qyzmetten alshaqtatý týraly sheshim shyqty.

İstiń taǵy bir fıgýranty Aııar Ilásov bes jylǵa bas bostandyǵynan aıyryldy.

Sonymen qosa, jazaǵa tartylǵandar: Qýandyq Bıskýltantov, Altaı Qasymov, Iakov Zaıas, Abaı Saparov, Serik Esmuqanov, Aınagúl Sadyqbaeva, Abdýl-Ǵazız Muqasheva, Abylaı Qarymsaqov, Ǵabıden Qaıymsultanov.

Hrapýnov isi sottalýshylardyń qatysýynsyz ótti. Tergeý málimetine sáıkes, ol óziniń qyzmettik jaǵdaıy men mártebesin qoldanyp, materıaldyq ıgiligin qamtamasyz etip almaq bolǵan.

Olar para alý, qylmystyq topty basqarý jáne búdjet aqshasyn jymqyrý boıynsha aıyptalyp otyr. Memleketke 250 mıllıon dollar shyǵyn ákelgen.

Vıktor Hrapýnovqa QR QK 235-baby (bir nemese birneshe qylmys jasaý maqsatynda uıymdasqan top qurý nemese basshylyq etý), 176-baby (senip tapysyrylǵan múlikti ıemdený nemese urlaý), 177-bap (alaıaqtyq), 193-baby (zańsyz jolmen alynǵan aqshany nemese ózge múlikti legalızasıalaý), 307 (qyzmet ókilettiligin asyra paıdalaný) jáne 311 (para alý) baptary boıynsha aıyptalsa, Jjary Leıla Hrapýnovanyń áreketteri 235 (bir nemese birneshe qylmys jasaý maqsatynda uıymdasqan top qurý nemese basshylyq etý), 177 (alaıaqtyq) jáne 193 (zańsyz jolmen alynǵan aqshany nemese ózge múlikti legalızasıalaý) baptary boıynsha aıyptaldy.