Túrkistan qalasynda qazirgi tańda 162 myń halyq turady. 8 myńnan asa turǵyn baspana kezeginde tur. Osyǵan oraı qalada 660 páterli 11 turǵyn úıdiń qurylysy júrip jatyr.
Shahardaǵy jańadan qurylǵan «Otyrar» yqsham aýdanynda júz gektar jer bólinip, qurylys jumystary bastaldy.
Qazir «Otyrar» yqsham aýdanynda qurylys qalaı júrip jatyr? Qansha úıdiń irgetasy qalandy?
Oblystyq qurylys basqarmasy basshysynyń orynbasary Toqtar Úsipálıevtiń sózinshe, «Otyrar» móltek aýdanynda boı kóterip jatqan baspanalar «Nurly jer» baǵdarlamasy aıasynda salynyp otyr. Bes qabatty úılerdiń árqaısysy 60 páterli bolady. 4 mlrd 102 mln teńgege salynyp jatqan baspanalar birinshi kezekte áleýmettik jaǵynan az qamtylǵan otbasylar men ata-ana qamqorlyǵynsyz qalǵan jetim balalarǵa, apatty úı turǵyndaryna jáne búdjettik sala qyzmetkerlerine berilmek.
Ár úıde 60 páterden bolady. «Nurly jer» baǵdarlamasy aıasynda salynyp jatqan baspanalardyń barlyǵy 5 qabatty, al jobalyq smetalyq quny 4 mlrd 102 mln teńge. Jańa páterler, aldymen áleýmettik jaǵynan az qamtylǵan otbasylar men ata-ana qamqorlyǵynsyz qalǵan jetim balalarǵa, apatty úı turǵyndaryna jáne búdjettik sala qyzmetkerleri men turǵyn úı kezeginde turǵan azamattarǵa beriledi.
Aıta ketken jón, qazir Túrkistanda 8 myńnan asa turǵyn baspana kezeginde tur. Sondaı-aq jeke ınvestordyń esebinen 360 páterli 6 nesıelik turǵyn úı boı kóteredi. Budan bólek taǵy da 540 páterli 9 úıdiń ınfraqurylymdyq jelileri tartylyp jatyr. Bul baspanalardyń barlyǵy kelesi jyly tolyq aıaqtalyp, el ıgiligine beriledi. Sol kezde 1560 otbasy qonys toıyn toılaıdy.
“Qazirgi ýaqytta Túrkistan qalasynda 162 myń halyq turady. 2035 jyly Túrkistan qalasynyń halqy 350 myńǵa jetedi degen boljam bar. Al 2050 jyly 500-ǵa jetpek. Ol degenimiz kem degende 200 myń páter. Osy ýaqyttyń arasynda 1 mln 400 myń sharshy metr turǵyn úı soǵýymyz kerek dep josparlap otyrmyz”, - dep málimdedi oblystyq qurylys basqarmasy basshysynyń orynbasary Toqtar Úsipálıev.
Sondaı-aq jyldar boıy turǵyn úı kezeginde turǵan azamattar qol jetkizedi. Budan bólek oblys ortalyǵynda jeke ınvestordyń esebinen 360 páterli 6 nesıelik turǵyn úı boı kóteredi. 9 úıdiń qurylysy bastalmaq. Qazir úı salynatyn oryndarǵa ınfraqurylymdyq jelileri tartylyp jatyr. Jańa baspanalarǵa turǵyndar keler jyly kiredi dep kútilýde. Osy jumystar tolyǵymen aıaqtalǵa 1560 otbasy baspanaly bolmaq.
Budan ózge, turǵyn úı qurylysy aýdandarynda ınjenerlik komýnıkasıalardy jaılastyrý boıynsha 2018 jyly oblysta memlekettik búdjet qarajaty esebinen 9 nysannyń qurylysy júrgizilýde.
Sondaı-aq, Túrkistan oblysyn perspektıvalyq damytý boıynsha Túrkistan qalasynyń bas josparyn qaıta ázirleý boıynsha aǵymdaǵy jyldyń 12 shildesinde halyqaralyq konkýrs jarıalanǵan bolatyn.
QR Úkimetiniń 22.06.2018 jylǵy № 372 qaýlysymen bekitilgen "Nurly jer" memlekettik turǵyn úı baǵdarlamasy aıasynda aǵymdaǵy jyly Túrkistan oblysy úshin turǵyn úıdi paıdalanýǵa tapsyrý jospary 344,7 myń sharshy metr bolyp belgilengen. 2018 jyldyń 6 aıdyń qorytyndysy boıynsha 202,4 myń sharshy metr turǵyn úı paıdalanýǵa berilip, ótken jyldyń osy merzimimen salystyrǵanda 30 paıyzǵa artqan.
Oblysta 2018 jyly qarjylandyrýdyń barlyq kózderi arqyly 79 kópqabatty turǵyn úıdiń qurylysy júrgizilýde. Jyl qorytyndysymen 35 úı paıdalanýǵa beriledi. Qurylys jumystarynyń naqty kólemi ındeksi boıynsha 2018 jyldyń jospary – 140,8 mlrd. teńge. Bul meje 6 aıdyń qorytyndysy boıynsha 117,8 paıyz oryndaldy.
