«Qazmedıa ortalyǵynyń» kınokonsert zalynda Halyq jazýshysy, «Qazaqstan» korporasıasynyń ardageri Sherhan Murtazanyń qaıtys bolýyna baılanysty qaraly mıtıń ótkizildi. Bul týraly Qazaqstan jańalyqtary habarlady.
Jıynǵa Aqparat jáne komýnıkasıalar mınıstri Dáýren Abaev, Qazaq televızıasynyń ardagerleri Sultan Orazalın, Erlan Qojageldıev, memleket jáne qoǵam qaıratkeri Myrzataı Joldasbekov, satırık Kópen Ámirbek, «Qazaq radiosy»-nyń dırektory Serik Ábdýáli qatysyp, qalamgerdiń shyǵarmashylyq jolyn baıandap, ómiri týraly jarqyn esteliktermen bólisti.
Sonymen qatar, Ulttyq arnanyń «Altyn qorynda» saqtalǵan beınematerıaldardan shaǵyn fılm usynyldy.
«Sosıalısik Qazaqstan», «Lenınshil jas», «Egemen Qazaqstan», «Qazaq ádebıeti» sıaqty birneshe qabyrǵaly basylymǵa, «Qazaqstan» memlekettik teleradıokompanıasy syndy iri medıauıymǵa basshylyq jasaǵan qalamger otandyq jýrnalısıkany órkendetýge qomaqty úles qosty. Gazette de, telearnada da jýrnalıserdiń áleýmettik máselelerin sheship, qamqorlyq jasady. «Sherhannyń shekpeninen shyqqan» dep maqtana alatyn maıtalman mamandardy tárbıeledi. QR Parlamenti Májilisiniń depýtaty retinde de qyrýar sharýa atqardy. Al, qarymdy pýblısıs, qaıratker retinde qoǵamnyń kókeıkesti máselelerin kóterip, ult múddesi úshin rıasyz qyzmet etti. Jazýshynyń «Qyzyl jebe», «Aı men Aısha», «Internat nany» sıaqty qundy týyndylary qazaq ádebıetiniń aıshyqty shyǵarmalaryna aınaldy. İzettilik pen zıalylyqtyń úlgisine aınalǵan azamattyń elge sińirgen eńbegi men jarqyn dıdary halqymyzdyń júreginde máńgi saqtalady», - dedi qaraly jıyndy ashqan mınıstr D.Abaev.
Sharaǵa qatysýshy zıaly qaýym ókilderi jazýshynyń qazaq jýrnalısıkasyna sińirgen eńbegi men ult múddesi úshin atqarǵan qyzmeti týraly aıtyp ótti.
Qazaqstannyń belgili jazýshysy, qoǵam qaıratkeri Sherhan Murtaza 9 qazan kúni 86 jasynda aýyr naýqastan qaıtys boldy.
Qalamgermen qoshtasý rásimi búgin Almatyda M.Áýezov atyndaǵy qazaq Memlekettik akademıalyq drama teatrynda ótti.
