Elbasy «Astana» halyqaralyq qarjy ortalyǵynyń basqarýshysy Qaırat Kelimbetovti qabyldady, dep habarlaıdy Qamshy.kz aqparat agenttigi Aqordaǵa silteme jasap. Kezdesý barysynda Memleket basshysyna «Astana» halyqaralyq qarjy ortalyǵynyń qalyptasý barysy jóninde málimdeldi. 

Nursultan Nazarbaev qazirgi ýaqytta bul qarjy qurylymynyń tıimdi jumysyn qamtamasyz etý úshin qajetti barlyq quqyqtyq jáne uıymdastyrýshylyq baza jasaqtalǵanyn atap ótti.

«Astana» halyqaralyq qarjy ortalyǵynyń basqarýshysy Qazaqstan Prezıdentiniń AQSH pen Qytaıǵa bıylǵy resmı saparlary barysynda qol jetkizilgen ýaǵdalastyqtardy iske asyrý jónindegi jumystardyń nátıjeleri týraly baıandady.

Q.Kelimbetovtiń aıtýy boıynsha, «Astana» halyqaralyq qarjy ortalyǵy jumysqa kirisken kezden beri ózin halyqaralyq arenada tanytyp úlgerdi. Halyqaralyq reıtıń agenttikteriniń málimetterine sáıkes, bul ortalyq álemdik 100 qarjy ortalyǵynyń ishinde 61-orynǵa, Shyǵys Eýropa men Ortalyq Azıa óńiri boıynsha 2-orynǵa ıe bolyp otyr.

Sondaı-aq, kezdesýde Memleket basshysyna jekeshelendirý jáne Qazaqstan kompanıalarynyń aksıalaryn IPO-ǵa shyǵarý úderisinde «Astana» halyqaralyq qarjy ortalyǵy bırjasynyń múmkindikteriniń paıdalanylýy jóninde málimdeldi.

Elbasy kezdesý qorytyndysy boıynsha birqatar naqty tapsyrma berdi.