15 qazannan bastap kún saıyn saǵat 22.20-da «Habar» telearnasynda álemdik kınolardyń kórsetilimi bastalady. Kórermender «Agenty A.N.K.L.», «Bezýmnyı Maks», «Odınnadsat drýzeı Oýshena», «Dvenadsat drýzeı Oýshena», «Trınadsat drýzeı Oýshena», «50 pervyh poselýev»,  «Tıhookeanskıı rýbej» jáne basqa da eń úzdik kartınalardy jarnamasyz tamashalaıdy.  

15 qazannan bastap «Jumbaq jandar» telehıkaıasy kórermenniń suranysy boıynsha «Bolshaıa malenkaıa loj» ataýymen orys tilinde shyǵady. Ár bólimniń uzaqtyǵy 45 mınýttan 60 mınýtqa deıin sozylady. Kórsetilim ýaqyty – 21.30.

            «Jumbaq jandar» bul tórt áıeldiń taǵdyry jaıly týyndy. Oııa, Merve, Pelın jáne Arzýdyń uzaq jyldar boıy jasyrǵan qupıasy bar, alaıda Oııanyń oralýymen syrlar ashyla bastaıdy. Mektep kezinde Oııaǵa jalǵan jalaý jaýylyp, elden ketip qalǵan. Arada 20 jyl ótsede ol muny umyty almaıdy. Sondyqtan kek alýǵa kelgen. Eski dostar ózara janjaldasyp, sońynda bir adam kóz jumady. Aǵa komısar Kemal jáne onyń kómekshisi Derá osy istiń aqıqatyna jetpek.

             «Detektıv áje» - komedıasy endi saǵat 18.45-te shyǵady. Oqıǵa jelisi boıynsha Murat Almaty qalasynda qylmyskerlermen kúresip júrgen polısıa qyzmetkeri. Aýyldastary ony qadirleıdi, al, Gúldana apa nemeresin maqtan tutady. Gúldana apa 70 jyldyǵyn toılap, mereıtoıǵa nemeresi Murat ta keledi. Osy keshte Murattyń polısıa emes, kishigirim rólderi somdap, aqsha týyp júrgeni bilgili bolady. Abyroıynan aırylǵysy kelmegen ájeı nemeresin aýylǵa detektıv qyzmetine ornalastyrady. Alaıda jigit eshqashan tergeýshi bolmaǵan. Sondyqtan Gúldana apa ózi jumysqa kirisedi.

«Aǵa» teleserıalynyń kórsetilimi 19.15-ke aýystyryldy. Dramanyń sújeti boıynsha polısıa qyzmetkeri Boran qylmyskerlerdiń qolyndaǵy qaryndasyn izdep júrip, áıel saýdasymen aınalysatyn qylmystyq topqa jolyǵady.

29 qazannan bastap saǵat 19.15-te «Qarlyǵash uıa salǵanda» melodramasy kórermenge jol tartady. Bul 32 jastaǵy Qarlyǵash degen qyzdyń taǵdyrynan syr shertetin telehıkaıa. Qarlyǵash jumysta tabysty, óziniń úlken úıi bar, salaýatty ómir saltyn ustanady. Alaıda jeke ómiri sátsiz. Ata-anasy oǵan turmys qurý kerektigin jıi aıtady. Bir kúni ol kórshi úıde symbatty zerger ómir súretinin baıqaıdy. Tasqyn jalǵyz basty áke, úsh qyzy bar, áıeli kóz jumǵan. Birde ol jumysynda jaraqat alyp, jedel járdemmen aýrýhanaǵa ketedi. Keter aldyn  Qarlyǵashqa qyzdaryna qaraý týraly ótinish bildiredi. Basynda bas tartqan Qarlyǵash, keıin kelisedi.