Zamıra Hadjıeva Ulybrıtanıada eki ushaq, eki vılla, túrli áshekeı buıymdaryn jalpy somasy 20 mıllıard teńgeden asatyn aqshaǵa satyp alǵan. Bul týraly KTK arnasynyń jańalyqtarynda aıtyldy.
Mundaı aqshany ońdy-soldy shashyp júrýi brıtanıalyq quzyrly organdardyń kúdigin týǵyzdy. Sóıtip, shilde aıynda 55 jastaǵy Zamıra Hadjıeva tergele bastaǵan. Ol ázirge aqshanyń qandaı jolmen tapqanyn dáledeı almaı álek. Onyń kúıeýi Jahangır Hadjıev kezinde Ázirbaıjan úkimetine tıesili halyqaralyq bankti basqarǵan. 2014 jyly Qazaqstannyń biryńǵaı zeınetaqy qory osy qarjy uıymyna 71 mıllıard teńge ınvestısıa salǵan. Alaıda keıin bankrot bop, 2016 jyly onyń basshysy 15 jylǵa sottalypty.
Al Qazaqstannyń qarajatyn Ázirbaıjannyń qundy qaǵazdaryna almastyryp, ony jyldyq 3 paıyz ústemaqymen 15 jyl boıy qaıtaratyn bolǵan.
