Keshe, ıaǵnı 11 qazanda Baıqońyr aılaǵynan ushyrylǵan "Soıýz MS-10" ǵarysh kemesinen aqaý shyǵyp, sonyń saldarynan keme apatqa ushyraǵan, dep jazady Qamshy.kz aqparat agenttigi.
Zymyran-tasyǵyshynyń ushyp, ekıpaj otyrǵan kapsýla odan ajyrap, "balıstıkalyq tómen baǵyt alý rejımimen" Jerge qaıta bet alǵanyna kýá bolǵan Marǵulan Seısembaı Facebook paraqshasynda apattyń vıdeosyn jarıalap, kózimen kórgenin jazdy.
«Búgin Baıqońyrda "Soıýz SM-1" xalyqaralyq (Reseı/AQSH) ekıpajimen basqarylatyn ǵarysh kemesiniń ushýy men apatyna kýá boldym. 60 sekýndtan keıin birinshi bóligi ýaqytynan erte bólinip ǵarysh kemesi qýatynan aıyrylyp ǵaryshkerlerdiń kapsýlasy Jezqazǵan qalasynan 20 shaqyrym jerge kelip qondy. Ǵarysh kemesi qańqasynyń qulaǵan jerin áli belgilenýde. Allaǵa shúkir, ǵaryshkerler aman esen. Ǵarysh kemesiniń janar maıy - kerosın. Jerimiz búlinbedi. Bul "Soıýz" kemeleriniń 1975 jyldan beri birinshi qulaǵany. Men kemeniń sátti ushyrylǵany men apatqa ushyraǵanynyń kýási boldym», - dep jazdy Marǵulan Seısembaı.
•Baıqońyrdan ushyrylǵan "Soıýz" kemesinde tótenshe jaǵdaı oryn aldy (vıdeo)
Jeli qoldanýshy ǵarysh kemesin ushyrý sáti – týrısik potensıaly bar shara ekenin, alaıda Qazaqstan ony kádesine durys paıdalana almaı jatqanyn da aıtyp ótti.
«Týrıser kóp eken. 500-700 týrıs boldy. Oqýshylar da boldy. Týrıserdiń jaǵdaıyn oılastyrmaǵan. Kóp jerlerde dáretxana joq. Ǵaryshty ushyrý prosesi jaı aspanǵa kúndelikti ushaq jibergendeı boldy. Joldary jaman, qulap jatqan úılerden basqa kishkentaı qalashyqtar da qýrap jatyr. Nege reseılikter buny jóndemeıdi, nege buǵan durys qaramaıdy? degen suraqqa reseılikter "Bul Qazaqstannyń jeri, biz jalǵa alyp otyrmyz" dep jaýap qaıtarady. Al bizdikiler óz jerinde ógeı balanyń kúıin keshýde” dep jazdy Marǵulan Seısembaı.
