2018 jyldyń 15 qazanynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń (budan ári – Agenttik) sybaılas jemqorlyqqa qarsy Arnaıy monıtorıńtik tobynyń múshesi, elimizdegi jer qatynastary salasyndaǵy jetekshi sarapshylardyń biri, jer qatynastary boıynsha zań jáne sot isinde úlken tájirıbesi bar kásibı advokat, zańger Bazarbek Baqytjan Jumabekuly qoǵamdyq uıymdar men jergilikti qoǵamdyq keńester ókilderimen jáne halyqpen kezdesý semınaryn ótkizip, tegin quqyqtyq keńester beredi dep habarlaıdy Qamshy.kz aqparat agenttigi.
Semınar barysynda azamattar tómendegi máseleler boıynsha tegin quqyqtyq keńester ala alady.
- Jeke turǵyn úı qurylysy úshin jer ýchaskesin berý;
- Jer ýchaskesiniń maqsatyn ózgertý;
- Jerge ornalastyrý prosesi men jer ýchaskelerin segmentasıalaý;
- Maqsatsyz paıdalanǵany jáne memlekettik qajettilikke baılanysty jer ýchaskesin alý;
- Óz betinshe qurylys júrgizý;
- Jer ýchaskesin belgileý jáne shekarasyn aıqyndaý;
- Sý qorǵaý aımaqtary men beldeýler, qyzyl shekaralar men sanıtarlyq-qorǵaý aımaǵy;
- Jer ýchaskesin zańsyz ıemdenýge baılanysty jáne ózge de máseleler boıynsha quqyqtyq keńes beredi.
Semınar ótetin kúni men meken jaıy: 2018 jylǵy 15 qazan, saǵat 14.00-18.00 aralyǵynda Á.Tájibaev atyndaǵy oblystyq ǵylymı-ámbebap kitaphanasy, Qyzylorda qalasy, Abaı dańǵyly №53.
Semınar «Feısbýk» áleýmettik jelisinde Agenttiktiń Qyzylorda oblysy boıynsha departamentiniń paraqshasynda tikeleı efır arqyly súıemeldenedi.
Anyqtama úshin baılanys quraldary 8(7242)70-25-20
