Prezıdenttiń Joldaýy salyq saıasatyndaǵy anahronızm men kásipkerlerge aıyppul jáne ósimaqylar salý máselesinde memlekettik organdardyń eptiligin kórsetti – «Aq jol» depýtattar kótergen bastamalarǵa sheneýnikterdiń aıla-sharǵy jasaǵanyn áshkereledi dep habarlaıdy Qamshy.kz aqparat agenttigi «Aq jol» QDP baspasóz qyzmetine súıene otyryp.
Sheneýnikter depýtattyq saýaldarǵa jaýap berý kezinde jalǵan sóıleıdi – dep Azat Perýashev keshegi ótken Májilistiń plenarlyq otyrysynda óz sózin bekite tústi, - Prezıdenttiń bıylǵy Joldaýy negizinen ótken jyly sheshilýi tıis bolǵan kásipkerlerge qısynsyz aıyppuldar men ósimaqylar salý máselesiniń ózektiligin arttyra tústi.
Áńgime salyqtyq daýlar boıynsha talap qoıý merzimin qysqartý jóninde «Aq jol» fraksıasy bir emes birneshe márte joldaǵan usynystary jaıly bolyp otyr. «Aq jol» jetekshisi fraksıa 2013 jyldan bastap bul jaǵdaıdy Úkimettiń nazaryna birneshe márte joldap, Eýrazıalyq Ekonomıkalyq Odaqtaǵy kórshilerimizdi úlgi ete otyryp salyq boıynsha talap etý merzimin 5 jyldan 3 jylǵa deıin qysqartýdy usynǵanyn eske salyp ótti. Sońǵy ret mundaı saýaldardy «aqjoldyqtar» 2017 jylǵy
19 qańtarda jáne 15 naýryzda joldaǵan. Alaıda, ótken jyldy qosa alǵanda ár joly bizge fraksıanyń usynystary «memleket pen bıznes múddesiniń teńgerimine sáıkespeıdi» nemese olar «Salyq kodeksiniń jańa redaksıasyn ázirleý boıynsha qurylǵan jumys toby tarapynan qoldaý tappady» degen syńaıly bas tartqan jaýaptar kelip tústi.
Dál sol 2017 jyldyń kúzinde Úkimet «múddege sáıkes kelmeıdi», ıa bolmasa «jumys tobynyń teris kózqarasy» degen sıaqty óziniń bergen málimdemesine qaramastan, jáne de osyǵan qadam basý kerek degen depýtattardyń 5 jyl boıy aıtyp kelgen talaptary týraly bir aýyz sóz eskertip atap ótpeı Kodekstiń jobasyna dál sondaı túzetýler engizgen.
«Biz menmenshil emespiz, ataq-dańqqa da umtylmaımyz. Tek qabyldaıtyn sheshimderden bıznes te, memleket te utsa bolǵany. Degenmen, sózsiz tańdanysymyzdy týdyrǵany – memlekettik organdar bizge basqasha jaýap qaıtarady da, al is júzinde múldem qarama-qaıshy áreket etedi.
Májiliske jalǵan sóılep, teris jaýap berýdiń ne qajeti bar edi, eger eki-úsh aıdan keıin báribir sol usynysty qabyldaıtyn bolsa? Áıtkenimen de, eger Úkimet depýtattardyń durystyǵyna kózderin jetkizse, sirá, teris jaýapty qaıtaryp alyp, joldanǵan saýaldardyń avtorlaryna depýttattyq bastamany qoldaımyz dep habarlaǵany áldeqaıda quptarlyq bolar edi. Jeme-jemge kelgende, bıliktiń atqarýshy jáne ókildik tarmaqtarynyń ózara árekettesýindegi saıası mádenıet bul degenimiz, - dep túsindirdi Perýashev.
«Aq joldyń» bul saýaly bıylǵy Joldaýda da aıtylǵan salyqtyq raqymshylyqqa qatysty Úkimettiń atyna joldandy. Fraksıa bul tapsyrma burynnan kele jatqan salyq daýy boıynsha talap qoıý merziminiń artyqtyǵy máselesin kóteredi dep sanaıdy.
«Elimizde talap qoıý merziminiń 5 jylǵa belgilenýi qaryz somasyn jasandy túrde qoldan kóterýge alyp keledi. Ol bylaısha júzege asýda, 5 jyl buryn bir emes, birneshe márte tekseristen ótken bıznestiń salyqtyq esep-qısabynda kórsetilgen qandaıda bir naqty nemese jalǵan kemshilikterge kıligip, olqylyqtar izdep taýyp alady. Al, ol úshin zańnamada qarjylyq yqpal sharalary, ıaǵnı sanksıalar qarastyrylǵan. Sodan keıin baryp sol somaǵa 5 jyldyq merzim ishindegi aıyppuldar men ósimaqylardy qosady. Nátıjesinde aıyppul men ósimaqynyń somasy negizgi qaryzdyń kóleminen de artyq bolyp, kásiporynnyń kúnkórisi qıyndaı túsedi. BAQ-tyń deregine súıensek, 2018 jyly shaǵyn jáne orta bıznes ókilderiniń salyqtyq qaryzy 257 mıllıard teńgeden asqan, al onyń 122,5 mıllıardyn aıyppul men ósimaqy quraıdy. Demek, bul degenimiz shaǵyn jáne orta kásipkerlik ókilderiniń salyqtyq qaryzynyń jartysyn quraıdy degen sóz. Prezıdenttiń bizge mindettegen tapsyrmasy dál osy jaǵdaıdyń ádiletsizdigi men maǵynasyzdyǵyn joıýǵa baǵyttalǵan», - dep atap ótti Perýashev jáne de «Aq jol» fraksıasy Memleket basshysynyń bul bastamasyn túpkilikti qoldaı otyryp, Úkimetke ony iske asyrý barysynda mundaı qordalanǵan máselelerdi túbegeıli sheship qana qoımaı, onyń týyndaýyna alyp kelgen bastapqy shyǵý sebepterin joıýdy usynady dep túıindedi.
Máseleniń mánisi de osynda, tipti «Aq joldyń» bastamasyn úkimettiń zań jobasyna qosa otyryp, atqarýshy bılik ony Parlament qabyldaǵannan keıin birden onyń iske asyrylýyn buǵattap tastaǵan. Naqtyraq aıtsaq,
2017 jylǵy 25 jeltoqsanda salyq boıynsha 3 jyldyq talap etý merzimine kóshýdi toqtatyp qoıyp, kerisinshe, taǵy da 2 jylǵa, ıaǵnı 2020 jylǵa deıin keıinge qaldyratyn Úkimettiń qaýlysyn qabyldaıdy.
«Aq jol» jetekshisi osy oraıda qazaqsha aıtqanda «artyq qylamyz dep tyrtyq qyldyq», - dep dóp basyp aıtty.
Onyń aıtýynsha, Prezıdenttiń Joldaýy bul tájirıbeniń jappaı eskirgenin (anahronızmdigin) jáne tıimsiz ári osaldyǵyn kórsetip berdi.
Osyǵan baılanysty, Elbasynyń salyq amnıstıasyn júrgizýge kirisý týraly tapsyrmasyna úndes Azat Perýashev Úkimetke aǵymdaǵy qarjylyq jyldan bastap salyqtyq daýlar boıynsha talap qoıý merzimin 5-ten 3 jylǵa deıin qysqartýdy usyndy.
«Aq jol» partıasy jáne onyń parlamenttik fraksıasy saılaý aldy baǵdarlamany júzege asyrý jáne otandyq bıznestiń múddesin qorǵaý boıynsha jumystardy jalǵastyrýda.
