Almatynyń «Alataý» dástúrli óner teatrynda "Ana tilim - ardaǵym" atty aýqymdy is-shara ótti. Dýmandy keshte memlekettik til saıasatyn damytýda jyl boıy belsendi atsalysyp júrgen mamandar marapatqa ıe boldy. Syılyqty qala ákiminiń orynbasary Arman Qyryqbaev tapsyrdy.

Aıta keteıik, tıisti basqarma jalpy etnobirlestikter, jastar men tilshiler arasynda túrli baıqaýlar uıymdastyryp turady. Jyl basynan beri osy tektes jarysqa 400-den asa adam qatysqan. Baıqaýdy uıymdastyrý maqsatynda 150-ge jýyq adam ýaqytsha jumyspen qamtamasyz etilipti.  

«Búgingi dástúrli «Ana tilim – ardaǵym» atty Qazaqstan halqynyń tilderi kúnine oraılastyrylǵan is sharada jyl boıy ótkizilgen is-sharalardyń qorytyndylary shyǵarylady. Óıtkeni, memlekettik til saıasaty birneshe baǵytta júzege asyrylady. Negizgisi – memlekettik tildiń qoldanys aıasyn arttyrý», – dedi Almaty qalasy Tilderdi damytý basqarmasynyń bólim basshysy Baqyt Qalymbet.

«Búgingi tilge arnalǵan mereke – úlken mereke. Elimdi, halqymdy osy merekemenen barshasyn quttyqtaımyn. Óıtkeni, til degen ol ulttyń jany, rýhynyń úni, eń qymbatty dúnıesiniń qundy qoımasy qundylyqtarynyń. Sondyqtan da buny erekshe qadirleýimiz kerek. Qasterleýimiz kerek. Til joq bolsa, ult ta bolmaıdy», – dedi qoǵam qaıratkeri Asyly Osman.