Almaty qalasy Turǵyn úı jáne turǵyn úı ınspeksıasy basqarmasynyń Halyqqa qyzmet kórsetý ortalyǵy ashyldy.

«Almaty qalasy Turǵyn úı jáne turǵyn úı ınspeksıasy basqarmasy janynan halyqty qabyldap, keńes beretin arnaıy zal ashylǵan. Munda «Nurly jer», «Óńirlerdi damytý 2020» jáne qalalyq «Almaty jastary» baǵdarlamalaryn halyqqa egjeı-tegjeıli túsindirip, olardyń suraýyn qanaǵattandyratyndaı jaǵdaı jasalǵan», - dedi ákimdiktiń baspasóz qyzmeti. 

Operasıalyq zaldyń negizi maqsaty - halyqqa jyldam ári sapaly qyzmet kórsetý, sondaı-aq buqaraǵa turǵyn úı zańnamasyna saı mindetter men aqparatty ashyq túrde jetkizý. Operasıa zalynyń 1-shi qabatta ornalasýy ásirese egde jastaǵy kisiler men múmkindigi shekteýli jandarǵa, qımyl-tirek apparatynyń kómegimen júrip-turatyn azamattarǵa yńǵaıly etip jasalǵan.

Estý, sóıleý qabileti nashar adamdarǵa onlaın sýrdo aýdarmashy jáne «Azamattarǵa arnalǵan úkimet» MK arqyly (ESQ bolǵan jaǵdaıda) óz-ózine qyzmet kórsetý buryshy bar.