Almatyda qant qymbattamaıdy. Al qordaǵy qant kólemi birneshe aptaǵa jetedi. Bul týraly Almaty qalasy Aýyl sharýashylyǵy basqarmasy habarlady.

Bazardaǵy bul jaǵdaıdy retteý úshin turaqtandyrý qorynan jaz aılarynda  1 myń 400 tonna qant alynǵan. Aıta keterligi, qant baǵasy 3 aıdyń ishinde 10 paıyzǵa jýyq ósken.  

«Qazir naryqta negizssiz qant baǵasyn kóterip jatqan jaıttar kezdesýde. Biraq bul ýaqytsha jaǵdaı. Qazir bizde baǵalardy retteý júrip jatyr. Reseı rýbliniń qubylýy elimizge tasymaldanatyn qanttyń qunyna da áser etkeni ras», – dedi Almaty qalasy Aýyl sharýashylyǵy basqarmasy basshysy orynbasarynyń mindetin atqarýshy Damır Tazabek.  

Kóp uzamaı qant baǵasy birshama túsedi. Oǵan elimizde qazan aıynda  5 zaýyttyń ónim shyǵarýy sep bolmaq. Qazir qant qyzylshasyn jınaý naýqany júrgizilýde.  Al qarasha aıynan bastap kelesi jylǵa qant qory jınalmaq.

«Otandyq zaýyttan óndiriletin ónim naryqty tolyqtaı qamtamasyz etedi. Óıtkeni, onyń baǵasy Reseı men Belarýs elinen ákelingen taýar baǵasynan áldeqaıda tómen. Byltyr 1 keli qanttyń quny-170 teńge bolǵan. Bıyl da osy baǵany turaqtandyrý josparda bar», – dedi Damır Tazabek.