Burymdy qyzdardyń joly bolǵysh keledi ári únemi er azamattardyń yqylasyna bólenip júredi. Mundaı pikirdi aqtóbelik sán salonynyń dırektory Aıgúl Bekmaǵanbetova aıtty.

  “Burymdy kez kelgen qyz-kelinshek ósire bermeıdi. Ony kútip, sándeýdiń ózine qomaqty qarjy ketedi. Qysqa shash úlgisine aqshasyn únemdegisi keletinder beıim keledi. Endi qysqa shashtylardyń barlyǵyn qarjydan taryqqandar dep aıta almaımyz. Bıznespen aınalysatyn hanymdardyń kóbisi qysqa shash úlgisin ustanady. Áıtse de olar aqshasyn ysyrap etpeýdiń jáne ýaqytyn únemdeýdiń amalyn qarastyrady”, -deıdi Bekmaǵanbetova. Óńirdegi tanymal mamannyń sózine qaraǵanda burymdy qyzdardyń joly bolǵysh keledi eken. Olar aqshany ózderi tapqannan góri, er azamattaryna arqa súıeıdi.

Uzyn shashty sulýlardyń arasynda jalǵyzbastylaryn kezdestirmeısiń. Ári burymdy sulý árqashan er azamattardyń yqylasyna bólenedi

“Salonǵa keletin sulýlardyń jaǵdaıyn  syrt kózben synap, sóz arasynda jaǵdaıyn da bilip otyramyz ǵoı. Qysqa shashty áıelder óz eńbekterimen aqsha tabatynyn birden ańǵaramyz. Kóbinese olar jumysbasty, jalǵyzbasty bolyp keledi. Al uzyn shashty sulýlardyń arasynda jalǵyzbastylaryn kezdestirmeısiń. Ári burymdy sulý árqashan er azamattardyń yqylasyna bólenedi”, – deıdi stılıs. Mamannyń aıtýynsha, burym – sondaı-aq qyz-kelinshekter úshin aqshadan taryqqanda kapıtal bola alady. Sebebi qazir Aqtóbeniń ózinde boıalmaǵan bir metr shashty eń arzan degende salondar 15 myń teńgege satyp alady eken.