Almaty ákimi Baýyrjan Baıbek Germanıa Federatıvtik Respýblıkasynyń syrtqy ister mınıstri, býndestag depýtaty Nıls Annenmen kezdesti. Taraptar saýda-ekonomıkalyq jáne mádenı-gýmanıtarlyq baılanystar máselelerin talqylady.

Megapolıs basshysy Almaty qalasy men Germanıa arasyndaǵy taýar aınalymynyń oń dınamıkaǵa ıe ekendigin jetkizdi. Almatyda nemistiń «aqyldy» tehnologıasy men ınovasıalyq qurylymdaryna, sonymen qatar germandyq bıznesti qala ekonomıkasyna tartýǵa qyzyǵýshylyqtyń úlken ekenin aıtty.

GFR-nyń syrtqy ister mınıstri óz kezeginde Qazaqstan men Germanıany strategıalyq seriktestiktiń jaqyndata túsetinin atap ótti. Ol bıylǵy kúzde Almatyda ótetin jyl saıynǵy «Qazaqstandaǵy Germanıa ekonomıkasynyń kúnderi» bıznes-forýmynyń eki el arasyndaǵy iskerlik baılanysty odan ári nyǵaıtýǵa yqpal etetinin aıtty.

Nıls Annen qaladaǵy jaıaý júrginshi jáne kólik ınfraqurylymyn modernızasıalaýdy atap ótti.

«Ózimniń týǵan qalam Gambýrgte BRT júrdek avtobýstar jelisi júzege asýda, qoǵamdyq kólik damýda. Munyń barlyǵy bıznes jáne ınvestorlar úshin qalany barynsha tartymdy etedi, jańa ofıster ashýǵa qulshyndyrady ári qala turǵyndary úshin óte yńǵaıly»,- dedi ol.