On saýsaǵynan bal tamǵan aspazdar ózara saıysty. Eki kúnge sozylǵan jarysqa álemniń ár túkpirinen 70-ke jýyq aspaz kelgen.

Qyzý shaıqas ashyq aspan astynda kórermender men jankúıerler aldynda ótti. Aspazdarǵa qoıylǵan negizigi talap – buryn sońdy eshkim tatyp kórmegen taǵam ázirleý. Olarǵa tańsyq asty daıyndaýǵa bar-joǵy, 30 mınýt qana berildi. Sondaı-aq, ádilqazylar alqasy astyń usynylýyna da, ereksheligine de asa mán berdi. Aıta ketý kerek, sharanyń shymyldyǵyn aspazdyqty endi ǵana bastap júrgen stýdentter bastady. 14 bala synaqtan ótip, aty álemge máshhúr tamaq pisirý sheberlerinen sabaq úırenýge múmkindik aldy.  

«Barlyǵy óte jaqsy ótti. Saıys unady. Men búgin bódeneniń jumyrtqasyn ashyq otta qýyrdym. Árıne, dámdi shyqpaı qala ma degen qorqynysh, ýaıym boldy. Degenmen, alǵa qoıǵan maqsatty oryndaı aldym. Barlyǵy keremet boldy, kelgen qonaqtarǵa rahmet aıtamyn. Tapsyrmany tıisti ýaqytta aıaqtadym. Nátıje jaqsy degen oıdamyn», – dedi aspaz Narıman Erjanov.

«Men 3 jyl qatarynan qatysyp kelemin. Ótken jyly Gran-prı júldesin, altyn medaldy jáne kýbokty ıelendim. Bıyl sýshı daıyndaıtyn aspazdy saıysqa daıyndadym. Mine, búgin ol jarysqa qatysty. Maǵan da bódeneniń jumyrtqasy tústi. Men jumyrtqa qosyp, kotlet daıyndadym», – deıdi aspaz Anton Kornılov.