Helsınkıde jumysshylar tús kezinde bir sát myzǵyp alady. Jumys ýaqytynda uıyqtaǵany úshin eshkim olardyń jalaqysyn qysqartyp, jumystan shyǵarmaıdy. Kerisinshe, kompanıa uıqy úshin jumysshylarǵa aqsha tóleıdi. Sebebi, fındik kásipodaq  túski uıqy qyzmetkerlerdiń jumys belsendiligine ǵana áser etip qoımaı, fırmanyń qarjylyq jaǵdaıyna da oń áserin beredi degen uıǵarymǵa kelgen.

Tipti keıbir fırmalar medıtasıa jasaýdy úıretip, tús kezinde barlyq jumysshynyń uıyqtaǵanyn qadaǵalaıtyn maman jaldaǵan.

♦Fınlándıalyq qorap qazaqtyń áıelderine kerek-aq

-Jumys adamǵa bosańsýǵa múmkindik bermeıdi, biraq jattyqtyrýshynyń kómegimen ózińdi erkin sezine bastaısyń. Bul jaǵdaıda nusqaýshynyń kómegi altynmen para-para. Qyzmetkerlerge kishigirim eńbek demalysyn alýǵa kómektesedi-, - deıdi Sofia Future Farm ortalyǵynyń demalysty uıymdastyrýshysy Tıına Vaınıo.

Helsınkı kásipodaǵy túrli kompanıa jumysshylarynyń arasynda saýalnama júrgizgennen keıin túski uıqynyń paıdaly ekendigi týraly tujyrymǵa kelgen. Adamdar jumysta qatty sharshaıtynyn, otyryp isteıtindikten arqa men beli aýyratynyn aıtqan. Sonyń saldarynan, adamdar jumystan tezirek úıine qaıtqysy keledi eken.

Fınlándıanyń federaldyq buqaralyq aqparat quraldary Helsınkıdegi jańa trend týraly jurtshylyqqa osylaı qýana habarlap jatyr.. Jýrnalıser jaqyn ýaqytta Fınlándıanyń basqa qalalarynda da jumysta  uıyqtaýǵa ruqsat beriletinin aıtady.

Demek, buryn uıqy erinshektikpen baılanystyrylsa, qazir adamnyń eńbekke qabiletin arttyrady degen túsinik qalyptasyp keledi.  

Al jumystaǵy uıqyǵa beriletin ýaqyt  30 mınýttan 60 mınýtqa deıin sozylatynyn aıta ketý kerek..

Buǵan deıin de Eýropada jumysshylardyń eńbek ónimdiligin arttyrý maqsatynda túrli tájirıbe júrgizilgen. Máselen, jumys kúnin 5 kúnnen 4 kúnge qysqartqan. Sonyń nátıjesinde jumysshylar jaqsyraq jumys isteı bastaǵan. Kompanıanyń kirisi artqan. 

Al Qazaqstanda jaǵdaı ózgerek. Munda jumys berýshiler qol astyndaǵy qyzmetkerlerdiń jumysqa erte kelip, kesh qaıtýyn qalaıdy. Alaıda qyzmetkerlerdiń ondaǵy fızıkalyq, psıhologıalyq jaǵdaıyna onsha mán bere bermeıdi.