Nursultan Nazarbaev Mádenıet jáne sport mınıstri Arystanbek Muhamedıulyn qabyldady, dep habarlaıdy Qamshy.kz aqparat agenttigi Aqordaǵa silteme jasap.

Kezdesý barysynda mınıstrlik qyzmetiniń mańyzdy baǵyttary, sonyń ishinde kınematografıaǵa qatysty zańnamany odan ári jetildirý jáne týrızm men sport salalaryn damytý sharalary talqylandy, 

Mádenıet jáne sport mınıstriniń málimetine sáıkes, qazirgi ýaqytta «Kınematografıa týraly» zań jobasy Parlamenttiń qaraýynda jatyr. Bul zań jobasy ulttyq kınony qalyptastyrý isin qoldaý tetikteriniń tıimdiligin arttyrýǵa, Qazaqstannyń fılmderin, sondaı-aq sheteldiń jetekshi kompanıalarymen birlesip túsirgen kıno ónimderin halyqaralyq naryqqa keń kólemde shyǵarýǵa baǵyttalǵan.

Sonymen qatar, Arystanbek Muhamedıuly Memleket basshysyna 2023 jylǵa deıingi týrızmdi damytý jónindegi memlekettik baǵdarlamalardyń ázirlený barysy jáne «Qazaqstandyqtardyń ál-aýqatynyń ósýi: tabys pen turmys saltyn arttyrý» atty joldaýdaǵy dene shynyqtyrý-saýyqtyrý keshenderin salýǵa qatysty tapsyrmanyń oryndalýy jóninde baıandady.

Kezdesý qorytyndysy boıynsha Qazaqstan Prezıdenti birqatar naqty tapsyrma berdi.