Paraolımpıadalyq  komıtettiń prezıdenti jáne «Qaırat» fýtbol klýby baqylaý keńesiniń tóraǵasy Qaırat Boranbaev Karlos Alosty bapkerlikten bosatty.

 -Karlos -  ıspan fýtbol mektebiniń túlegi, myqty maman. Bul «Qaırattyń» tarıhyndaǵy óte tájirıbeli jattyqtyrýshylardyń biri. Onyń jumysyn joqqa shyǵara almaımyz, múmkin onyń jetkilikti jumys isteýine tildik kedergi bolǵan shyǵar. Biraq sońǵy bir jarym jyldaǵy eńbegi tekke ketti deı almaımyz. Karlostyń jumysyna bizdiń kóńilimiz tolady.  Degenmen, onymen qoshtasýǵa týra keledi, óıtkeni ol negizgi mindetin oryndaı almady. Bizge Qazaqstan birinshiliginde jeńimpaz bolý qıynǵa tústi jáne Eýropa  lıgasynyń toptyq kezeńinen shyǵa almadyq. Oǵan kim kináli, tórelik aıtýǵa aýyr árıne. Alaıda bul jaıtqa bárimiz de kinálimiz, - deıdi «Qaırat» fýtbol klýby baqylaý keńesiniń tóraǵasy Qaırat Boranbaev.

Ázirge «Qaırat fýtbol klýbynyń jattyqtyrýshylyq qyzmetin alyp júrý atalǵan klýbtyń burynǵy oıynshysy Andreı Karpovıchke júkteldi.

 Erkin Qaldan