Búgin «Qazmedıa Ortalyǵynda» Aýyl sharýashylyǵy mınıstrliginiń bastamasymen agroónerkásip kesheni forýmynyń alǵashqy kúni ótti.

Forým aıasynda aýyldaǵy úkimettik emes uıymdardy (ÚEU) damytý máseleleri boıynsha «Azamattyq qoǵam jáne memleket: seriktestik, dıalog jáne jaýapkershilik» atty respýblıkalyq konferensıa uıymdastyryldy.

Sondaı-aq shara aıasynda aýyldyq ÚEU Koalısıanyń quryltaı konferensıasy men tuqym ósirý sharýashylyǵyn damytý boıynsha dıalog alańy ótkizildi.

Atalǵandarmen qosa agroónerkásip kesheniniń salalyq, aımaqtyq jáne ınfraqurylymdyq baǵdarlamalary, agrarlyq ǵylym men bıznesti biriktirý boıynsha birqatar sesıalar uıymdastyryldy.

Jerdi tıimdi paıdalaný boıynsha sesıada moderator retinde M.Taıjan sóz sóıledi.

Qoǵam belsendileriniń bastamashyl tobynyń atynan sóz sóılegen ol tek Qazaqstan turǵyndary úshin jekemenshik múlik ınstıtýtynyń ornyna jalǵa alý ınstıtýtyn engizýdi, biryńǵaı agrarlyq salyqty ornatyp, jerdi jerserik arqyly baqylaýdy zańdastyrýdy usyndy. Jınalǵandar ony tolyq qoldady.

Sharany qorytyndylaı kele, QR Aýyl sharýashylyǵy vıse-mınıstri B.Bısenǵalıev QR Jer kodeksine engizilip otyrǵan túzetýler qoǵam belsendileriniń qatysýymen jáne jazylǵan sharalardy kezeń-kezeńmen iske asyrý arqyly ótetinin aıtty.