Aǵymdaǵy jyldyń 24 qazan kúni dástúrli «Zhastar Innovation» baıqaýynyń qorytyndysy jarıalandy. Almaty qalasy Jastar saıasaty máseleleri jónindegi basqarmasynyń tapsyrysymen «El-shejire» qoǵamdyq qory uıymdastyrǵan baıqaýǵa bıyl 200-ge jýyq jumystar kelip túsken. Olardyń arasynda ónertapqysh jastarmen qosa bastaýysh kásipkerlerde boldy.
Jobanyń negizgi maqsaty jastardyń ınovasıalyq belsendiligin arttyryp, jańa tehnologıa salasynda mańyzdy jobalar jasap shyǵarýǵa baǵyttalǵan. Sondaı-aq ınovasıalyq startaptaryna qoldaý kórsetip, yntalandyrý. Úzdik dep tanylǵanyn óndiriske engizý.
Joba aıasynda kásibı bıznes-jattyqtyrýshylarmen tegin trenıń júrgizilip, jeti jetekshi kásipkermen kezdesý ótkizilgen.
Qorytyndy keshke Almaty qalasynyń máslıhat depýtattary, bir top kásipkerler, stýdentter jáne joba qatysýshylary qatysty. Barlyq jumystardy saralaı kele, qazylar alqasy «Tazalyk» jobasyn jeńimpaz etip tańdady. Baıqaýdyń jalpy utys qory – 1 mıllıon teńge.
Al, 2-shi oryn jeńimpazdaryna «Jańa urpaq» Respýblıkalyq kóshbasshylar mektebine bir jyldyq tegin oqý múmkindigi, 3-shi oryn ıegerlerine İlıas Batyrov óziniń Qazaqstandaǵy №1 oratorlar klýbyna úsh aılyq abonomentke joldama tartý etti. Sondaı-aq, jobalarmen tanysyp, kóńilinen shyqqan áleýmettik «Fortitude» jobasyna "AssylTas" qory da arnaıy syılyǵyn usyndy. «Fortitude» jobasy múmkindigi shekteýli balalardyń qoǵamda ózin jat sezinbeýi úshin qolynan kelgenshe eńbek etip óz tabysyn ózdiginen tabýda. Sol sıaqty jumys jasaýǵa yntaly múmkindigi shekteýli jastardy oqytyp, ózgelermen teń dárejede qyzmet etýine járdemdesedi. Qordyń quryltaıshysy Nurjan Ókimbaev jobany jasaǵan jastarǵa alǵysyn bildirip, árdaıym kómek kórsetýge daıyn ekenderin jetkizdi. Buǵan qosa, joba aıasynda bilim alǵan Almas esimdi jigitti jumysqa qabyldaıtyndaryn aıtty.
Jadyra Narmahanova
